استانا ەكسپو-2017 كورمەسىنە تۋريستەردى تارتۋ بويىنشا قىتايدىڭ ءىرى تۋروپەراتورىمەن كەلىسىم جاسالدى
قازاقستان رەسپۋبليكاسىنىڭ پرەزيدەنتى ن. نازاربايەۆتىڭ ق ح ر مەملەكەتتى رەسمي ءىس- ساپارى اياسىندا «استانا ەكسپو-2017» ۇلتتىق كومپانياسى» ا ق باسقارما ءتوراعاسى احمەتجان ەسىموۆ پەن حالىقارالىق ساۋداعا جاردەمدەسۋ بويىنشا قىتاي كوميتەتىنىڭ (ح س ج ق ك) باسشىسى تسزيان تسزەنۆەي سايكەسىنشە كەلىسىمشارتقا قول قويعان بولاتىن.
قىتايلىق ارىپتەستەر ەلىمىزدىڭ ۇلتتىق كومپانياسىنا شاڭحاي قالاسىنداعى ەكسپو-2010 كورمەسىنىڭ تاجىريبەسىن ەسكەرە وتىرىپ، ءوزارا كەڭەسۋ، اقپاراتتىق- تالدامالىق، ادىستەمەلىك قولداۋ كورسەتەتىن بولدى. ونىڭ ۇستىنە، ح س ج ق ك استانا ەكسپو-2017 كورمەسىنە ينۆەستيتسيا تارتۋدى ءوز مىندەتىنە الدى.
مەموراندۋمعا سايكەس، ەكى جاق كوممەرتسيالىق جانە ينۆەستيتسيالىق قىزمەت، تۋريزم باعىتتارى مەن بيزنەس- پروتسەستەر سالاسىندا ەكىجاقتى ىنتىماقتاستىقتى دامىتۋعا كەلىستى.
مەموراندۋم ەكسپو-2017 حالىقارالىق كورمەسىن قىتاي نارىعىندا ىلگەرىلەتۋدە اۋقىمدى قادام بولارى انىق ءارى، ق ح ر ينۆەستيتسيالارى مەن تۋريستەرىن بارىنشا كورمەگە تارتۋعا مۇمكىندىك بەرەدى.
ح س ج ق ك «Recommended by EXPO» باعدارلاماسىنا ەكسپو-2017 رەسمي سەرىكتەسى رەتىندە قاتىسۋدى جوسپارلاپ وتىر.
سونىمەن قاتار، وسى كۇنى تاعى ءبىر مەيلىنشە ماڭىزدى مەموراندۋمعا ەكسپو-2017 كورمەسىنە تۋريستەردى تارتۋ بويىنشا «استانا ەكسپو-2017» ۇ ق مەن قىتاي حالىق رەسپۋبليكاسىنىڭ ءىرى تۋروپەراتورى China Council for the Promotion of International Trade قول قويىلدى.
بۇل قۇجات ق ح ر نارىعىنداعى استانا قالاسى مەن ەكسپو-2017 كورمەسىنە كەلۋشىلەرگە ارنالعان ارنايى تۋرپاكەتتەردىڭ جانە وسى تۋرپاكەت قۇرامىندا كورمەگە قاتىسۋ بيلەت ساتىلىمىنىڭ ىلگەرۋلەۋىنە ىقپال ەتەدى.
انىقتاما ءۇشىن:
ح س ج ق ك - 1952 -جىلى قۇرىلعان قىتايلىق ساۋدا ۇيىمى. وعان ءوندىرىس، مەملەكەتتىڭ ساۋدا سالاسىنداعى جانە باسقا دا ۇيىمداردىڭ وكىلدەرى كىرەدى. ح س ج ق ك مىندەتتەرى سىرتقى ساۋدانى ءوربىتۋ جانە قىتايدىڭ باسقا ەلدەرمەن ساۋدا بايلانىسىن نىعايتۋ بولىپ تابىلادى. كوميتەتكە 70 مىڭنان استام قىتايلىق كاسىپورىندار كىردى.
CITS - 1954 -جىلى قۇرىلعان ق ح ر ءىرى تۋروپەراتورى. قىتاي اۋماعىندا 122 فيليالى مەن كەڭسەسى جانە شەتەلدەردە 150 دەن استام فيليالى مەن وكىلدىكتەرى بار. كومپانيا الەمنىڭ 100 دەن اسا مەملەكەتتەرىندە 1400 دەن اسا تۋريستىك اگەنتتىكتەرمەن جۇمىس جاسايدى.