بۇل تۋرالى «حابار» ارناسىنىڭ سايتى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ باسپا ءسوز قىزمەتىنە سىلتەمە جاساپ حابارلادى.
س. باركينحويەۆ ءۇش كۇن بۇرىن قىزمەتىنەن كەتكەن ەكەن.
«استانا ەكسپو-2017» ا ق لاۋازىمدى تۇلعالارىنا قاتىستى قىلمىستىق ءىستى تەكسەرۋ اياسىندا كەشە اتالعان ۇلتتىق كومپانيانىڭ باسقارۋشى ديرەكتورى س. باركينحويەۆ ۇستالدى. وعان بۇعان دەيىن ۇستالعان كومپانيانىڭ باسشى تۇلعالارىمەن بىرگە ءسوز بايلاسىپ، 214 ميلليون تەڭگە بيۋدجەت قاراجاتىن جالعان كاسىپكەرلىك ارقىلى قولما قول اقشاعا اينالدىرىپ يەلەنۋ جانە ىسىراپ ەتۋ تۋرالى كۇدىك كەلتىرىلگەن»، - دەلىنگەن اگەنتتىك حابارلاماسىندا.
ايتا كەتەرلىگى، اتالعان قىلمىستىق ءىس بويىنشا «استانا ەكسپو-2017» كومپانياسىنىڭ بەس تۇلعاسى جاۋاپكەرشىلىككە تارتىلۋدا، سونىڭ ىشىندە مەردىگەر ۇيىمنىڭ باسشىسى دا بار. ۆەدومستۆو مالىمەتتەرىنە قاراعاندا، تەرگەۋ امالدارىنىڭ تولىققاندىلىعى جانە وبەكتيۆتىلىگى ءۇشىن بارلىق ءىس- شارالار كەشەنى جۇزەگە اسۋدا.
ەسكە سالا كەتەيىك، 11- ماۋسىمدا مەملەكەت باسشىسى نۇرسۇلتان نازاربايەۆتىڭ وكىمىمەن تالعات امانگەلدى ۇلى ەرمەگيايەۆ «استانا ەكسپو-2017» ۇلتتىق كومپانياسى» اكتسيونەرلىك قوعامىنىڭ باسقارما ءتوراعاسى قىزمەتىنەن بوساتىلعان. كەيىننەن، استانانىڭ الماتى اۋداندىق №2 سوتىنىڭ شەشىمىمەن «استانا ەكسپو-2017» ۇلتتىق كومپانياسىنىڭ بۇرىنعى باسقارما ءتوراعاسى تالعات ەرمەگيايەۆ 2 ايعا ءۇيقاماققا الىنعان بولاتىن. وعان ق ر ق ك 4- ءبولىمى، 176-بابىنىڭ «ب» تارماعى بويىنشا - «سەنىپ تاپسىرىلعان بوتەننىڭ مۇلكىن اسا ءىرى كولەمدە يەلەنۋ نەمەسە تالان- تاراجعا سالعان» دەگەن كۇدىك كەلتىرىلىپ وتىر.
اۆتور: قانات مامەتقازى ۇلى