استانا ەكسپو-2017 كومپانياسىنىڭ بۇرىنعى دەپارتامەنت باسشىسى ق. ۇسەنوۆ ءۇيقاماققا الىندى
بۇل تۋرالى استانا قالالىق سوتىنىڭ باسپا ءسوز قىزمەتى حابارلادى.
قازىرگى ۋاقىتتا ول «ەكسپو-2017» شاراسىنىڭ كەڭەسشىسى قىزمەتىن اتقارۋدا.
ق. ۇسەنوۆ 214000000 تەڭگە كولەمىندە بيۋدجەتتىك قاراجاتتى قولدى قىلدى دەپ كۇدىكتەلۋدە. تەرگەۋ مالىمەتتەرى بويىنشا، 2014 -جىلدىڭ باسىندا ق. ۇسەنوۆ «Southfork» كومپانياسىنىڭ اتقارۋشى ديرەكتورى س. ب. سەيتوۆپەن جانە «استانا ەكسپو-2017» ۇلتتىق كومپانياسى» ا ق- نىڭ لاۋازىمدى تۇلعالارىمەن بىرگە ەكسپو - 2017 كورمەسىن استانادا وتكىزۋگە ارنالعان جانە ولارعا سەنىپ تاپسىرىلعان ىرى كولەمدەگى قاراجاتتى قالتاعا باسۋ ماقساتىندا قىلمىستىق جوسپار قۇرادى.
كەيىن ق. ۇسەنوۆ «استانا ەكسپو-2017» ۇلتتىق كومپانياسى» ا ق- نىڭ لاۋازىمدى تۇلعالارىمەن بىرگە ول پيعىلدى ىسكە اسىرۋ ءۇشىن «Southfork» كومپانياسىن اشىق تەندەردەن جەڭىمپاز ەتىپ شىعارادى.
2014 -جىلدىڭ مامىر جانە قازان ايلارى ارالىعىندا «Southfork» كومپانياسى كورمە قۇرىلىسى ءجۇرۋى تيىس جەر تەلىمىن قورشاۋعا كىرىسەدى. س. ب. سەيتوۆ ماتەريالدىق بايلىققا كەنەلۋ ماقساتىندا اي سايىن اكت جاساۋ بارىسىندا جۇمىس جانە ماتەريال قۇنىن قاساقانا جوعارى كورسەتىپ وتىرعان. وسى ارالىقتا ۇلكەن كولەمدە قاراجات تۇسكەن جانە ول كەيىن بانكتان شەشىلىپ وتىرعان. قازىرگى ۋاقىتتا تەرگەۋ جالعاسۋدا.
اۆتور: جاسۇلان جولدىبايەۆ