ق ر پارلامەنتى ءماجىلىسى ءتوراعاسىنىڭ ورىنباسارى يندونەزيالىق بيزنەس وكىلدەرىن ەكسپو-2017 كورمەسىنە بەلسەندى قاتىسۋعا شاقىردى
اڭگىمە بارىسىندا س. دياچەنكو قازاقستاننىڭ يندونەزيانى وڭتۇستىك-شىعىس ازياداعى ساياسي جانە ەكونوميكالىق الەۋەتكە يە الدىڭعى قاتارلى ەل رەتىندە قاراستىراتىنىن اتاپ ءوتتى. ال قازاقستان مەن يندونەزيانىڭ ەكىجاقتى ىنتىماقتاستىعىنا نۇرسۇلتان نازاربايەۆ پەن سۋسيلو يۋدويونونىڭ ءوزارا مەمەلكەتتىك ساپارلارى تىڭ سەرپىن بەرگەن. قازىرگى ۋاقىتتا قوس مەملەكەت اراسىنداعى ءوزارا ءىس-قيمىل بارلىق سالادا تابىستى دامىپ كەلەدى. ءسوز اراسىندا ۆيتسە-سپيكەر ساۋدا-ەكونوميكالىق، مادەني-گۋمانيتارلىق، ساياسي سالالارداعى ورتاق جەتىستىكتەردى العا تارتىپ، قاۋىپسىزدىك پەن تۇراقتىلىق باعىتىنداعى ماڭىزدى باستامالاردى ءسوز ەتتى.
ءوز كەزەگىندە وكىلدەر پالاتاسىنىڭ ۆيتسە-سپيكەرى فاحري حامزا اتالعان سالالارداعى ءوزارا ءىس-قيمىلدى ودان ءارى تەرەڭدەتۋدىڭ ماڭىزدىلىعىنا توقتالىپ، يندونەزيانىڭ قازاقستاندى ورتالىق ازياداعى ماڭىزدى ارىپتەستەرىنىڭ ءبىرى رەتىندە قارايتىندىعىن اتاپ ءوتتى. كەزدەسۋ بارىسىندا پارلامەنتارالىق ىنتىماقتاستىقتى نىعايتۋ ماسەلەسىنە ايرىقشا كوڭىل ءبولىنىپ، ەكى ەلدىڭ زاڭنامالىق ورگاندارى اراسىندا ءوزارا تۇسىنىستىك جانە ىنتىماقتاستىق جونىندەگى توپ قۇرۋ قاجەتتىلىگى ايتىلدى. ەكىجاقتى قارىم-قاتىناستاردىڭ قارقىنىن ارتتىرۋ ءۇشىن ساۋدا-ەكونوميكالىق جانە ينۆەستيتسيالىق الەۋەتتى تولىق پايدالانۋ تۋرالى اڭگىمە ءوربىدى.
سونىمەن قاتار، سەرگەي دياچەنكو استانادا «ەكسپو-2017» حالىقارالىق كورمەسىن وتكىزۋ بويىنشا قازاقستاننىڭ كانديداتۋراسىن قولداعانى ءۇشىن العىسىن جەتكىزىپ، يندونەزيالىق كاسىپكەرلەردى اتالعان شاراعا بەلسەندى تۇردە قاتىسۋعا شاقىردى.