جاپونيا ەكسپو-2017 گە قاتىساتىنىن ناقتىلادى
ەلىمىزدە وتەتىن ەكسپو-2017 گە قاتىساتىن كەزەكتى مەملەكەتتىڭ ءبىرى جاپونيا بولدى. قاتارعا جيىرماسىنشى بولىپ قوسىلعان كۇنشىعىس ەلىنىڭ ۇكىمەتى تاياۋدا ءوز پاۆيلوندارىن ازىرلەۋگە كىرىسە باستادى. حالىقارالىق كورمە كوميسسارى ءراپىل جوشىبايەۆ توكيوعا ارنايى ساپارمەن بارىپ، قازاقستان پرەزيدەنتىنىڭ رەسمي شاقىرۋىن تابىس ەتتى. جاپونيا ۇكىمەتى ءوز پاۆيلونىنىڭ تۇجىرىمداماسىن ازىرلەۋگە كىرىستى. جوعارى جەتىستىكتەرىنىڭ ءبىرى رەتىندە «تويوتا» مەن «ميتتسۋبيسي» سىندى اۆتو وندىرىس الىپتارىنىڭ جۇمىسى تانىستىرىلماق.
«ازىرگە ناقتى تۇجىرىمداما جاساۋ تۋراسىندا 3 مارتە كەلەلى كەڭەس قۇردىق. ونەر تابىس تاقىرىپتارى ىرىكتەلۋدە. سولاردىڭ ءبىرى رەتىندە سۋتەكتى ەنەرگەتيكانى دامىتۋ جوباسىن ىرىكتەپ قويدىق. «بولاشاق ەنەرگياسى» جاپونيا ءۇشىن «جاسىل ەكونوميكاداعى» جەتىستىكتەرىن تاعى ءبىر مارتە ايگىلەيتىن كورمە بولماق. وعان ۇكىمەت وكىلدەرىمەن قاتار ىسكەر توپتار دا قاتىسۋعا ىنتا ءبىلدىرىپ وتىر، - دەدى جاپونيانىڭ ەكونوميكا، ساۋدا جانە يندۋستريا ۆيتسە-ءمينيسترى نوريحيكو يشيگۋرو.