باياناۋىل «ەكسپو-2017» حالىقارالىق كورمەسىندە پاۆلودار وبلىسىنىڭ «ءتول قۇجاتى» بولماق
بۇل تۋرالى پاۆلودار وبلىستىق كاسىپكەرلىك، ساۋدا جانە تۋريزم باسقارماسىنىڭ القا ماجىلىسىندە ۆەدومستۆو باسشىسى الەكساندر بابەنكو مالىمدەدى، دەپ اقپارات تاراتتى pavlodarnews.kz.
باسقارما باسشىسىنىڭ ايتۋىنشا، بۇل ماقساتقا باياناۋىل وڭىرىندە تۋريستىك كلاستەردى دامىتۋعا باعىتتالعان باس جوسپار نەگىزىندە قول جەتكىزىلمەك.
«باياناۋىل ۇلتتىق پاركى «استانا كلاستەرى» تۋريزمدى دامىتۋ كەشەندى جوسپارىنىڭ ءبىر بولىگى بولىپ تابىلادى. وسى ارقىلى باياناۋىل حالىقارالىق كورمەدە پاۆلودار ءوڭىرىنىڭ بەتكە ۇستارىنا اينالماق. الدا اتقارىلار جۇمىس كوپ. قازىرگى تاڭدا جاسىباي كولىندەگى ەكولوگيالىق جاعداي كوڭىل كونشىتپەيدى. جاعاجاي تۋريزمى ناشار دامىماعانىن ايتپاسقا بولماس. سول سەبەپتى ۇلتتىق پاركتە سالانىڭ وزگە دە باعىتتارىن دامىتۋعا كۇش سالىنباق. ماسەلەن ەتنوگرافيالىق، تاريحي جانە سپورتتىق تۋريزم وركەن جايماق. وسىلايشا، دەمالۋعا كەلۋشىلەردىڭ قاتارىن ارتتىرىلماق»، - دەيدى ا. بابەنكو.
ۆەدومستۆو باسشىسىنىڭ ايتۋىنشا، باياناۋىل دەمالىس ورنىن دامىتۋ جوباسى «نۇرلى جول» مەملەكەتتىك باعدارلاماسى شەڭبەرىندە جۇزەگە اسىرىلماق. وسى ورايدا «جاسىباي كولى - جاڭاجول اۋىلى»، «تورايعىر كولى - س. تورايعىروۆ كەسەنەسى» جانە «جاسىباي كولى - تورايعىر اۋىلى» باعىتتارىنداعى اۆتوموبيل جولدارىن جوندەۋ بويىنشا قۇجاتتاما ازىرلەنبەك. سونىمەن قاتار سابىندىكول قوسىمشا ستانسياسىنان جاسىباي دەمالىس ورنىنا ەلەكتر جەلىسى تارتىلماق.
ايتا كەتەرلىگى، وتكەن جاز مەزگىلىندە باياناۋىل دەمالىس وشاعىنا 134 مىڭنان استام تۋريست كەلگەن. بۇل - 2013-جىلعى سالىستىرمالى كەزەڭگە قاراعاندا ( عا ارتىق كورسەتكىش.