قازاقستاندا 2017 - جىل قىتاي ءتۋريزمى جىلى بولادى

استانا. قازاقپارات - 2017 - جىل قازاقستانداعى قىتاي تۋريزمى جىلى بولادى. بۇل تۋرالى بۇگىن ۇكىمەت ۇيىندە ق ح ر مەملەكەتتىك كەڭەسىنىڭ پرەمەرى لي كىشياڭمەن وتكەن كەلىسسوزدەردەن كەيىنگى بريفينگتە ق ر پرەمەر- ءمينيسترى كارىم ءماسىموۆ ايتتى.

«بۇگىنگى ءبىزدىڭ كەلىسسوزدەر بارىسىندا وسى تاقىرىپ قوزعالدى. پرەمەر لي كىشياڭ اتاپ وتكەندەي، 2017 - جىلى قازاقستان حالىقارالىق «ەكسپو-2017» مامانداندىرىلعان كورمەسىن وتكىزەتىن بولادى. وسىعان وراي 2017 - جىل قازاقستانداعى قىتاي تۋريزمى جىلى بولادى. سوندىقتان دا بىزدەر ءۇشىن ەڭ ءبىرىنشى كەزەكتە قىتاي حالىق رەسپۋبليكاسىنىڭ ءوز ەلىندەگى ءتۋريزمدى دامىتۋ تاجىريبەسىن زەردەلەۋ بارىنشا ماڭىزدى» ، - دەدى ق ر پرەمەر- ءمينيسترى

وسى رەتتە ك. ءماسىموۆ ءوزىنىڭ قىتاي ارىپتەسىنەن بۇل ەلدىڭ تۋريزم سالاسىنداعى تاجىريبەسىن زەردەلەۋ ءۇشىن قازاقستاندىق دەلەگاتسيانى جونەلتۋگە كەلىسىم بەرۋدى وتىنگەنىن ەسكە سالدى.

«مەنىڭشە، ءوزارا بايلانىستار ءبىزدىڭ ەلدەردىڭ حالىقتارىن بايىتا تۇسەتىن بولادى» ، - دەدى ق ر ۇكىمەت باسشىسى.

 

 اۆتور: مارلان جيەمباي