ەكسپو-2017 كورمەسى نىساندارىنىڭ قۇرىلىسىن اياقتاۋ ءۇشىن 85 ميلليارد تەڭگە بولىنەدى

استانا. قازاقپارات - ەكسپو-2017 كورمەسى نىساندارىنىڭ قۇرىلىسىن اياقتاۋ ءۇشىن 85 ميلليارد تەڭگە بولىنەدى. بۇل تۋرالى بۇگىن ۇكىمەت وتىرىسىندا ق ر ۇلتتىق ەكونوميكا ءمينيسترى ەربولات دوسايەۆ ءمالىم ەتتى.

«ەكسپو-2017 كورمەسىن وتكىزۋگە نىسانداردى دەر كەزىندە اياقتاۋ ماقساتىندا 85 ميلليارد تەڭگە بولىنەدى، ونىڭ ىشىندە 60 ميلليارد تەڭگەسى كورمە كونتەنتى مەن پاۆيلوندارىن قالىپتاستىرۋعا، ІТ ينفراقۇرىلىمىن قۇرۋعا جانە باسقا دا شارالارعا كوزدەلگەن»، - دەدى مينيستر.

 «ەكسپو-2017 اۋماعىنداعى تۇرعىن ءۇي مەن ساۋدا ويىن- ساۋىق ورتالىعى قۇرىلىسىن اياقتاۋعا 15 ميلليارد تەڭگە جانە تاعى 10 ميلليارد تەڭگە كورمە قارساڭىندا استانا اۋەجايىنىڭ تەرمينالى مەن ۇشىپ- قونۋ جولاعىن قايتا جاڭارتۋ جۇمىستارىن ۋاقىتىلى تاپسىرۋعا قاراستىرىلعان.

اۆتور: رۋسلان عابباسوۆ