بۇگىن «ەكسپو-2017» كورمەسىنە قاتىساتىنىن 79 ەل راستادى
تاراپتار كورمەگە دايىندىق بارىسىن تالقىلادى. «چەليابى 2020-جىلى ش ى ۇ سامميتىن وتكىزبەك جانە ءىرى حالىقارالىق شارالاردى زاماناۋي دەڭگەيدە قالاي وتكىزۋ كەرەك ەكەنىن ءتۇسىنۋ ءبىز ءۇشىن ماڭىزدى بولىپ تابىلادى»، - دەپ اتاپ ءوتتى بوريس دۋبروۆسكي.
«حالىقارالىق قاۋىمداستىق كورمەگە جوعارى قىزىعۋشىلىق تانىتىپ وتىر. بۇگىندە «ەكسپو-2017» حالىقارالىق كورمەسىنە قاتىساتىنىن 79 ەل راستادى. كورمەنىڭ ماڭىزى جوعارى مانگە يە، سەبەبى «جاسىل» ەنەرگەتيكا قاعيداتتارىنا سۇيەنگەن ءتيىمدى جانە قاۋىپتى ەكونوميكانى سالۋ مىندەتى بۇكىل الەمدى قامتىپ وتىر»، - دەپ مالىمدەدى احمەتجان ەسىموۆ.
كەزدەسۋدە، سونداي-اق، رەسەيدىڭ الداعى «استانا ەكسپو-2017» حالىقارالىق مامانداندىرىلعان كورمەسىنە قاتىسۋ ماسەلەلەرى ورتاعا سالىندى. ۇلتتىق كومپانيا باسشىسىنىڭ اتاپ وتۋىنشە، رەسەي فەدەراتسياسى وعان قاتىسۋ تۋرالى كەلىسىمگە قول قويدى، رەسەيلىك سەكتسيانىڭ باس كوميسسارى بولىپ رەسەي ونەركاسىپ جانە ساۋدا ءمينيسترىنىڭ ورىنباسارى گەورگي كالامانوۆ تاعايىندالدى.