استانا «ەكسپو-2017» ۇلتتىق كومپانياسىنىڭ بۇرىنعى باسشىسى ت. ەرمەگيايەۆ 14 جىلعا سوتتالدى
سونىمەن قاتار وعان ماتەريالدىق جاۋاپكەرشىلىگى جوعارى مەملەكەتتىك لاۋازىمدى يەلەنۋگە ءومىر بويىنا تىيىم سالىندى جانە "پاراسات" وردەنى قايتارىپ الىنادى.
قىلمىستىق ىسكە ءتوراعالىق ەتكەن سۋديا ءادىلحان شايحيسلاموۆ بۇگىن «استانا ەكسپو-2017» ۇلتتىق كومپانياسىنىڭ بۇرىنعى باسشىسى تالعات ەرمەگيايەۆكە قاتىستى سوت ۇكىمىن جاريا ەتتى.
ەستەرىڭىزگە سالا كەتەيىك، «استانا ەكسپو-2017» ۇلتتىق كومپانياسىنىڭ بۇرىنعى باسشىسىنا ق ر ق ك- نىڭ 176-بابىنىڭ 4-بولىگىندەگى «ب» تارماقشاسىمەن قاراستىرىلعان اۋىر قىلمىستاردى بىرنەشە رەت قاساقانا جاسادى دەگەن كۇدىك كەلتىرىلگەن ەدى.
تالعات ەرمەگيايەۆ 2015 -جىلدىڭ 12 -ماۋسىمىنان بەرى ءۇي قاماقتا بولعان ەدى. ايىپتاۋشىنىڭ اقپاراتى بويىنشا، جىمقىرىلعان قاراجات كولەمى 10,2 ميلليارد تەڭگەنى قۇراپ وتىر. ونىمەن بىرگە 22 ادام سوت الدىندا جاۋاپ بەردى. ولاردىڭ نەگىزگى بولىگى كومپانيا قىزمەتكەرلەرى بولعان. قىلمىستىق ءىس 540 تومعا جەتىپ وتىر.
سوت بارىسىندا 12 ايىپتالۋشى تەرگەۋمەن كەلىسىمگە كەلگەن. 14 ايىپتالۋشى ءوز كىنالارىن موينىنا الدى. ەرمەگيايەۆتىڭ ءوزى كىنانى مويىنداۋدان باس تارتتى.
اۆتور: جاسۇلان جولدىبايەۆ