ەكسپو-2017 پاۆيلوندارىن 100 ەلدىڭ دەلەگاتتارى ارالادى
100 ەلدەن كەلگەن دەلەگاتتار قۇرىلىسى 100 پايىز اياقتالعان پاۆيلونداردى ارالادى.
«ولار استانادا وتەتىن ءىرى حالىقارالىق شارانىڭ دايىندىق جۇمىستارىنا جوعارى باعا بەردى جانە قۇرىلىس اۋقىمى مەن نىسانداردىڭ ديزاينىنان ەرەكشە اسەر العاندارىن باسا ايتتى. 20 مەملەكەت ءوز پاۆيلوندارىن قابىلداپ الدى جانە قۇرىلىس- مونتاج جۇمىستارىنا كىرىستى. ولاردى ەكسپو-2017 حالىقارالىق قاتىسۋشىلارىنا بەرۋ جالعاسۋدا»، - دەلىنگەن حابارلامادا.
حالىقارالىق قاتىسۋشىلاردىڭ ءۇشىنشى جينالىسى اياسىندا سەربيا، ۇلى بريتانيا، وزبەكستان، انگولا سىندى تاعى 14 مەملەكەتپەن پاۆيلونداردى بەرۋ جانە قابىلداۋ بويىنشا اكتىلەرگە قول قويىلدى.
ودان بولەك، دەلەگاتسيا «ءبىر تەرەزە» قاعيداسىمەن جۇمىس ىستەيتىن ءبىرىڭعاي قىزمەت كورسەتۋ ورتالىعىنا باردى. مۇندا ۆيزالىق قولداۋ، سالىق، بانك، ساقتاندىرۋ قىزمەتتەرى ت. ب. قىزمەتتىڭ 12 ءتۇرى كورسەتىلەدى. ءتۇرلى ەلدىڭ وكىلدەرى وزدەرىن قىزىقتىرعان ماسەلەلەر بويىنشا كونسۋلتاتسيالار الدى.