7 - جەلتوقسان كۇنى بارلىق قاتىسۋشىلار ا ق ش- تىڭ ءىرى قالالارىنىڭ ءبىرى - نيۋ- يورككە ساياحات جاسادى. ولار قالانىڭ كورىكتى جەرلەرىن - بوستاندىق ءمۇسىنى، Times Square، برودۋەي، ورتالىق ساياباقتى تاماشالادى.
بۇدان بولەك، «الەم ارۋى» بايقاۋى اياسىندا ەڭ ادەمى ۇلتتىق كيىم، سونداي- اق ۇزدىك توپ- مودەل كونكۋرستارى وتەدى. قىزدار اۋكسيوندار وتەتىن قايىرىمدىلىق كەشتەرىنە قاتىسادى. تۇسكەن قارجى الەۋمەتتىك جاعدايى تومەن وتباسىلار مەن بالالار ۇيلەرىنە جۇمسالادى. ءاليا اۋكسيوندا ۇلتتىق ناقىشتا جاسالعان قوبديشانى ۇسىنادى. قاتىسۋشىلار ءار كەزەڭ ءۇشىن باعا الىپ، ناتيجەسىندە جالپى ۇپايى قوسىلادى. وسى ناتيجە بويىنشا توپ-20 انىقتالادى. ءاليا مەرگەمبايەۆاعا ۇيالى تەلەفونعا Miss World قوسىمشاسىن جۇكتەپ، داۋىس بەرۋگە بولادى. ارى قاراي ۇناعان ءۇش قىزدى (توپ-3) تاڭداپ، داۋىس بەرۋ قاجەت. «الەم ارۋى 2016» 18 - جەلتوقساندا بەلگىلى بولادى. جەڭىمپازعا ءتاجدى يسپانيالىق ميرەيا لالاگۋنا كيگىزەدى.