دانيار ەلەۋسىنوۆ 2016 -جىلدىڭ ەڭ ۇزدىك بوكسشىسى اتاندى - فوتو
قازاقستاندىق بوكس فەدەراتسياسىنىڭ اقپاراتىنا سۇيەنسەك، «ۇزدىك بوكسشى» اتالىمىندا ماراپات ريو وليمپياداسىنىڭ جەڭىمپازى دانيار ەلەۋسىنوۆكە بەرىلدى.
«ەڭ ۇزدىك ايەل- بوكسشى» رەتىندە نازىم قىزايباي تانىلدى. ول بيىل الەمنىڭ ەكى دۇركىن چەمپيونى بولدى.
جۋىردا عانا سانكت- پەتەربوردا بوكستان جاستار اراسىندا وتكەن الەم بىرىنشىلىگىندە «التىن» ولجالاپ قايتقان سادريددين احمەدوۆ «ەڭ ۇزدىك جاس بوكسشى» اتاندى.
ال 2016 -جىلدىڭ «ەڭ ۇزدىك باپكەرى» دانيار ەلەۋسىنوۆتىڭ جەكە جاتتىقتىرۋشىسى مارات ەلەۋسىنوۆ بولدى. جاستاردىڭ ەڭ ۇزدىك باپكەرى - ۇلتتىق قۇرامانىڭ اعا تالىمگەرى عالىم كەنجەبايەۆ اتاندى.
«ۇزدىك تورەشى» نوميناتسياسىندا ريو وليمپياداسىنا قاتىسقان ناتاليا سويدىڭ ەڭبەگى اتاپ ءوتىلدى. قازاقستان چەمپيوناتىن ۇيىمداستىرعان پاۆلودارلىق فەدەراتسيا «ەڭ ۇزدىك وبلىستىق فەدەراتسيا» اتالدى. ال قازاقستاندىق بوكس فەدەراتسياسىنىڭ ەڭ ۇزدىك اقپاراتتىق دەمەۋشىسى Kazsport ارناسى بولدى.
سونداي- اق بوكستى دامىتۋعا جانە سپورتتىڭ وسى تۇرىنە قولداۋ بىلدىرگەنى ءۇشىن ارداگەرلەر - مەتسەنات ءمۇسلىم دايىربەكوۆكە، ك س ر و ەڭبەك سىڭىرگەن باپكەرى بوريس تسحۆيراشۆيليگە جانە امانباي اجىبايەۆقا سىيلىقتار مەن ماراپاتتار تابىس ەتىلدى.
اۆتور: گۇلميرا الياكپاروۆا