ريو-2016: ەلميرا سىزدىقوۆا قولا مەدال جەڭىپ الدى
07:07, 18 - تامىز 2016
ريو- دە- جانەيرو. قازاقپارات - بۇگىن ريو- دە- جانەيرو قالاسىندا ءوتىپ جاتقان جازعى وليمپيادا ويىندارىندا ايەلدەر كۇرەسىنەن ەلميرا سىزدىقوۆا قولا مەدال جەڭىپ الدى، دەپ حابارلايدى ريوداعى قازاقپارات ءتىلشىسى.
قازاق بالۋانى قولا مەدال ءۇشىن كۇرەستە مىسىرلىق ەناس موستافانى 7:4 ەسەبىمەن ۇتىپ، قازاقستان قورجىنىنا التىنشى قولا مەدال الىپ بەردى.
ەستەرىڭىزگە سالا كەتەيىك، سىزدىقوۆا وسىعان دەيىن جۇبانىش بەلدەسۋىنىڭ ءبىرىنشى كەزەڭىنە موڭعوليالىق وچيرباتىن ناسانبۋرماانى 3:1 ەسەبىمەن ۇتقان بولاتىن.
اۆتور: كۇنسۇلتان وتارباي