ريو-2016: ءجۇزۋشى دميتريي بالاندين فينالدا
10:42, 07 - تامىز 2016
ريو- دە- جانەيرو. قازاقپارات - برازيليانىڭ ريو- دە- جانەيرو قالاسىندا ءوتىپ جاتقان وليمپيادا ويىندارىندا 100 مەترگە براسس ادىسىمەن جۇزۋدەن قازاقستاندىق سپورتشى دميتريي بالاندين فينالعا جولداما الدى.
بۇل تۋرالى ريوداعى قازاقپارات ءتىلشىسى حابارلادى.
جازعى وليمپيادا ويىندارىنا تۇڭعىش رەت قاتىسىپ وتىرعان وتانداسىمىز ەكىنشى سەگىزدىكتە بەسىنشى ناتيجە كورسەتتى. ۇزدىكتەر قاتارىنا ىلىككەن 21 جاستاعى سۋ سپورتىنىڭ شەبەرى ەندى ازۋىن ايعا بىلەگەن الەمنىڭ ەڭ تاجىريبەلى جۇزگىشتەرىمەن ءوزارا مىقتىنى انىقتاماق.
ەستەرىڭىزگە سالا كەتەيىك، بالاندين 100 مەتر قاشىقتىققا جۇزەتىندەردىڭ ىرىكتەۋ كەزەڭىندە 100 مەتردى 59.47 سەكۋند ناتيجەمەن اياقتاپ جارتىلاي فينالعا جولداما العان ەدى. وندا وسى كورسەتكىشپەن توعىزىنشى ورىنعا يە بولعان.
بالاندين وسىعان دەيىن 2014 -جىلعى ازيا ويىندارىنىڭ، سونداي- اق 2015 -جىلعى ۋنيۆەرسيادانىڭ چەمپيونى اتانعان. بيىل وليمپيادا ويىندارىنا تۇڭعىش رەت قاتىسىپ وتىر.
اۆتور: كۇنسۇلتان وتارباي