رونالدۋ ەۋرو-2016 «كۇمىس بۋتسانى» كومانداداعى جولداسىنا سىيلادى
19:51, 11 - شىلدە 2016
استانا. قازاقپارات - پورتۋگاليا قۇراماسىنىڭ كاپيتانى ءۇش گول سالعانى ءۇشىن جانە گولعا ءۇش دوپ شىعارعانى ءۇشىن «كۇمىس بۋتسا» سىيلىعىمەن مارپاتتالدى، دەپ جازادى life.ru.
كريشتيانۋ رونالدۋ ەۋروپا چەمپيوناتىنىڭ ۇزدىك ويىنشىسى رەتىندە وزىنە بەرىلگەن «كۇمىس بۋتسادان» باس تارتىپ، كوماندالاس جولداسىنا سىيلادى. پورتۋگاليا قۇراماسىنىڭ جارتىلاي قورعاۋشىسى ناني رونالدۋدان مۇنداي سىي كۇتپەسە كەرەك. دەرەۋ Instagram الەۋمەتتىك جەلىسىنە سىيلىق فوتوسىن سالىپ، وقىرماندارىمەن ءبولىسۋدى ءجون ساناپتى:
- سەن جاي كاپيتان ەمەسسىڭ، سەن چەمپيونسىڭ! سىيلىق ءۇشىن راحمەت! العا، پورتۋگاليا، ءبىز چەمپيونبىز!- دەپ جازعان ناني.