ەۋرو-2016: پورتۋگاليا پەنالتيدەن پولشا قۇراماسىن سان سوقتىرىپ، جارتىلاي فينالعا شىقتى - كەسكىن
08:12, 01 - شىلدە 2016
استانا. قازاقپارات - بۇگىن فۋتبولدان 2016-جىلعى ەۋروپا چەمپيوناتىنىڭ شيرەك فينالىنداعى العاشقى ماتچ - پورتۋگاليا جانە پولشا قۇرامالارىنىڭ كەزدەسۋى ءوتتى.
ويىن مارسەلدەگى «ۆەلودروم» ستاديونىندا ءوتتى.
ەكىنشى مينۋتتا پولشالىق ويىنشى روبەرت ليەۆاندوۆسكي ەسەپ اشسا، 33- مينۋتتا پورتۋگاليا قۇراماسىنداعى ەڭ جاس ويىنشى، 18 جاستاعى رەناتۋ سانشەش تارازى باسىن تەڭەستىردى. ويىننىڭ نەگىزگى ۋاقىتىندا ەسەپ 1:1 بولىپ، كەزدەسۋ تەڭ اياقتالدى.
ەكسترا تايمدا دا قوس كوماندا ءبىر-ءبىرىنىڭ وسال تۇسىن تابا المادى.
پەنالتي كەزەڭىندە پولشالىق ياكۋب بلاشيكوۆسكيدىڭ دوبىن قاقپاشى قايتارىپ، پورتۋگاليا 5:4 ەسەبىمەن كەلەسى كەزەڭگە ءوتتى.