ەۋرو-2016: گارەت بەيل باستاعان ۋەلس قۇراماسى قۇرلىقتىق دودانى جەڭىسپەن باستادى
قۇرلىقتىق بىرىنشىلىككە العاش ماتچتارىن وتكىزگەن قۇرامالار تارتىستى كەزدەسۋدە 2:1 ەسەبىمەن تارقاستى.
ويىندا العاشقى گولدى كەزدەسۋدىڭ 10-مينۋتىندا ۋەلستىك فۋتبولشى گارەت بەيل سالدى. دەگەنمەن ەكىنشى تايمدا سلوۆاكيالىق اندرەي دۋدا ەسەپتى تەڭەستىرە الدى. ال ويىننىڭ 81-مينۋتىندا روبسون- كانۋ ۋەلس قۇراماسىنا جەڭىس گولىن سىيلادى.
ايتا كەتەيىك، فۋتبولدان ەۋروپا چەمپيوناتى فرانسيادا وتۋدە. بىرىنشىلىكتىڭ اياسى بيىلدان باستاپ كەڭەيىپ، قۇرلىقتىق دودادا 16 قۇراما ەمەس، 24 كوماندا وينايتىن بولادى. فۋتبولسۇيەر قاۋىم «كارى قۇرلىقتىڭ» ەڭ مىقتى قۇرامالارىنىڭ قاتىسۋىمەن 51 ماتچ تاماشالاي الادى.
ەۋروپا بىرىنشىلىگى فرانسيانىڭ ون قالاسىندا 10 -ماۋسىم مەن 10 -شىلدە كۇندەرى ارالىعىندا وتەدى.
بارلىق ماتچتار «قازاقستان» مەن "قازسپورت" تەلەارنالارىندا تىكەلەي ەفيردە كورسەتىلەدى.
اۆتور: جاسۇلان جولدىبايەۆ