تۇرىك ج و و- داعى قازاقستاندىق ستۋدەنتتەر ەكسپو-2016 كورمەسىندە بولدى
14:38, 12 - مامىر 2016
استانا. قازاقپارات - تۇركيالىق ج و و- لاردا وقيتىن قازاقستاندىق ستۋدەنتتەر «حادجەتتەپە» ۋنيۆەرسيتەتى مەن انكارانىڭ تاياۋ شىعىس تەحنيكالىق ۋنيۆەرسيتەتىندە وتكەن حالىقارالىق كورمە كۇنىنە قاتىستى، دەپ حابارلادى تۇركياداعى ق ر ەلشىلىگى.
قازاقستاندىق ستۋدەنتتەر حالىقارالىق كورمە كۇنىنىڭ قوناقتارىنا يميدجدىك ماتەريالدار تاراتتى، قازاقتىڭ ۇلتتىق تاعامدارىنىڭ ءدامىن تاتىردى، سونىمەن قاتار قازاقستاندىق كومپوزيتورلاردىڭ اۋەندەرىن ورىندادى.
سونداي-اق، بۇل كۇندەرى انتاليا قالاسىندا انكارا، ىستامبۇل، كاستامونۋداعى وقۋ ورىندارىندا ءبىلىم الاتىن قازاقستاندىق ستۋدەنتتەردىڭ سەزى ءوتتى. تۇركياداعى ق ر ەلشىلىگىنىڭ قولداۋىمەن 120 دان استام قازاقستاندىق ستۋدەنت ەكسپو-2016 كورمەسىنە تەگىن باردى.
سەزد اياقتالعان سوڭ ستۋدەنتتەر تۇركيانىڭ وزگە قالالارىندا وقيتىن وتانداستارىمەن قارىم-قاتىناستى ۇزبەۋ جولىنداعى مۇنداي شارالاردىڭ ماڭىزى زور ەكەنىن اتاپ ءوتتى. ولار ۇنەمى وسىنداي كەزدەسۋلەردى وتكىزىپ وتىرۋ جونىندە ۋاعدالاستى.