بۋرابايدا «كرەاتيۆ-ريەۆيۋ 2016» فەستيۆالىنىڭ قورىتىندىسى جاسالادى
«فەستيۆالگە بالالار ساۋىقتىرۋ لاگەرلەرىنىڭ ستۋدەنتتىك پەداگوگيكالىق جاساقتارى، قازاقستاننىڭ بارلىق ايماقتارىنان جوعارى جانە ورتا-ارناۋلى وقۋ ورىندارىنىڭ قالىپتاسقان پەداگوگيكالىق جاساقتارى قاتىسۋدا»، - دەپ اتاپ وتىلگەن «بالداۋرەن» ورتالىعىنىڭ حابارلاماسىندا.
فەستيۆال مىندەتتەرىنە توقتالاتىن بولساق، وندا ستۋدەنتتىك پەداگوگيكالىق جاساقتاردىڭ جەتىستىكتەرىن ناسيحاتتاۋ، پەداگوگيكالىق جاساقتاردىڭ اراسىندا كاسىبي جانە مادەني بايلانىستاردى نىعايتۋ، قاتىسۋشىلاردىڭ اراسىندا ەڭ ۇزدىك پەداگوگيكالىق جاساقتاردى انىقتاۋ جانە قولداۋ بەرۋ باسىمدىقتارى قامتىلعان. سونىمەن قاتار، شارا بارىسىندا شەبەرلىك-سىنىپتار، فەستيۆال قاتىسۋشىلارى جەتىستىكتەرىنىڭ كورمەسى، «ءبي مارافونى» بايقاۋى وتكىزىلۋدە.
بايقاۋدىڭ قورىتىندىسى بويىنشا ديپلومدارمەن، گراموتالارمەن، ارنايى سىيلىقتارمەن ماراپاتتاۋ قاراستىرىلعان.
«ءبي مارافونىنىڭ» قورىتىندىسى مەن جەڭىمپازداردى ماراپاتتاۋ «بالداۋرەن» ر و س و كونسەرت زالىندا 3- ساۋىردە ساعات 17.00 وتكىزىلەدى.