استانادا «ناۋرىز مەيرامى-2016» بايقاۋىنىڭ جەڭىمپازدارى ماراپاتتالدى - فوتو
استانا قالاسى اكىمدىگىنىڭ ۇيىمداستىرۋىمەن ناۋرىز مەيرامىن مەرەكەلەگەن كۇندەرى مەملەكەتتىك ورگاندار، كاسىپورىندار مەن ۇيىمدار اراسىندا، جالپى 40 تان استام مەكەمە اراسىندا قالالىق بايقاۋ وتكىزىلدى.
بەلگىلى قوعام قايراتكەرلەرى، عالىمدار مەن قالامگەرلەردەن قۇرالعان كوميسسيا مەرەكە كۇندەرى قالانىڭ بارلىق الاڭ، ساياباق، تۇرعىن الاپتارىن ارالاپ، كيىز ۇيلەردىڭ ۇلتتىق ناقىشتا بەزەندىرىلۋى، ناۋرىز مەيرامىن قارسى الۋ راسىمدەرى مەن ۇلتتىق داستۇرلەردى كورسەتۋى، ۇلتتىق تاعامداردى ۇسىنۋى، ءىس- شارانىڭ مازمۇندىلىعى، كيىمدەردىڭ ۇلتتىق ناقىشتاعى دەڭگەيى سياقتى شارتتارعا نازار اۋدارىپ، ءوز باعالارىن بەردى.
جەڭىمپازداردى ماراپاتتاۋ سالتاناتىن استانا قالاسى تىلدەردى دامىتۋ باسقارماسىنىڭ باسشىسى تىلەۋعالي قىشقاشبايەۆ اشتى. باسقارما باسشىسى جينالعان قاۋىمدى مەرەكەمەن قۇتتىقتادى.
«بارشاڭىزدى اكىمدىك اتىنان مەرەكەمەن قۇتتىقتايمىن. حالقىمىزعا بىرلىك، كەلىسىم مەن دەنساۋلىق تىلەيمىن. بايقاۋعا قاتىسقاندارىڭىز ءۇشىن العىس ايتامىن»، - دەدى ت. قىشقاشبايەۆ.
بايقاۋدا استانا قالاسىنىڭ كوممۋنالدىق مۇلىك جانە مەملەكەتتىك ساتىپ الۋلار باسقارماسى گران- پري يەگەرى اتاندى. 1-ورىن استانا قالاسىنىڭ جاستار ساياساتى ماسەلەلەرى باسقارماسىنا، 2-ورىن - استانا قالاسىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسىنا، 3-ورىن استانا قالاسىنىڭ مەملەكەتتىك ساۋلەت- قۇرىلىس باقىلاۋ باسقارماسىنا بەرىلدى.
سونىمەن قاتار، قازىلار القاسى استانا قالاسىنىڭ جولاۋشىلار كولىگى باسقارماسىن، استانا قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسىن، استانا قالاسىنىڭ ساۋلەت جانە قالا قۇرىلىسى باسقارماسىن، سونداي-اق، كولىك جانە كوممۋنيكاتسيالار كوللەدجىن ارنايى نوميناتسيالار بويىنشا اتاپ ءوتتى.
شارا سوڭىندا كوپشىلىك نازارىنا مەرەكەلىك كونسەرت ۇسىنىلدى.
ايتا كەتەيىك، اتالعان ءىس- شاراعا زيالى قاۋىم وكىلدەرى، بەلگىلى عالىمدار مەن قالامگەرلەر، قالا باسشىلىعى، مەملەكەتتىك مەكەمە جەتەكشىلەرى، ۇكىمەتتىك ەمەس ۇيىم جانە جاستار قوزعالىستارى، وقۋ ورىندارىنىڭ وكىلدەرى، ستۋدەنتتەر، ەلوردا تۇرعىندارى مەن قوناقتارى، ب ا ق وكىلدەرى شاقىرىلدى، دەپ حابارلايدى astana.kz.