الماتى-تالدىقورعان تاس جولى 2016-جىلدىڭ ورتاسىندا سالىنىپ بىتەدى - اكىم ورىنباسارى
بۇل تۋرالى الماتى وبلىسى اكىمىنىڭ ورىنباسارى سەرىك تۇرداليەۆ ءمالىم ەتتى.
«وتكەن اپتادا ايماققا ينۆەستيتسيالار جانە دامۋ ءمينيسترى اسەت يسەكەشيەۆ كەلدى. مينيسترگە ءبىز ينفراقۇرىلىم نىساندارىنىڭ قۇرىلىسى تۋرالى ەسەپ بەرىپ، «الماتى-تالدىقورعان» تاس جولىنىڭ قۇرىلىسى تۋرالى باياندادىق. مەردىگەرلەر بيىل تالدىقورعانعا دەيىن جولدىڭ ءبىر جولاعى اياقتالادى دەپ سەندىرىپ وتىر. ال، كەلەسى جىلى، ياعني، 2016-جىلدىڭ ورتاسىنا قاراي «الماتى-تالدىقورعان» تراسساسى تولىق سالىنىپ بىتەدى»، - دەدى اكىمنىڭ ورىنباسارى.
ەستەرىڭىزگە سالا كەتەيىك، بۇرىن الماتى وبلىسى اكىمدىگىنىڭ اقپاراتىنا ساي، ب ا ق بۇل تراسسا 2015-جىلعا قاراي اياقتالادى دەگەن اقپارات تاراتقان بولاتىن. جالپى، توسەلىپ جاتقان تراسسانىڭ ۇزىندىعى 245 شاقىرىمدى قۇرايدى. قۇرىلىس جۇمىستارى جولدىڭ توعىز ۋچاسكەسىندە ءجۇرىپ جاتىر. جوبانىڭ جالپى قۇنى 130 ميلليارد تەڭگە.
اۆتور: كەنجەكەي توقتامۇرات قىزى