ب. ساعىنتايەۆ: قاشاعاندا مۇناي ءوندىرۋ 2016-جىلدىڭ اياعىنا قاراي جاندانادى
«قاشاعان جوباسى بويىنشا ءتيىستى قالپىنا كەلتىرۋ جۇمىستارى جۇرگىزىلىپ جاتىر. سولتۇستىك كاسپي جوباسىنىڭ وپەراتورىمەن جانە مەردىگەر كومپانيالارمەن بارلىق داۋلى ماسەلەلەر شەشىلدى. مۇنايدى كوممەرتسيالىق ءوندىرۋدى 2016-جىلدىڭ اياعىنا قاراي جانداندىرۋ جوسپارلانىپ وتىر»، - دەدى ب. ساعىنتايەۆ.
ءوز كەزەگىندە ق ر ەنەرگەتيكا ءمينيسترى ۆلاديمير شكولنيك قاشاعاندا جوندەۋ جۇمىستارى ءجۇرىپ جاتقاندىعىن، ەڭ الدىمەن ساپاسىز بولىپ شىققان قۇبىرلار الماستىرۋ شارالارى جۇرگىزىلىپ وتىرعاندىعىن جەتكىزدى.
جوبانى قازىرگى ۋاقىتتا «قازمۇناي گاز»، Royal Dutch Shell, ExxonMobil, Eni, Total, Inpex جانە CNPC جۇزەگە اسىرۋدا. قاشاعان مۇناي كەنىشىندە شامامەن 5 ميلليارد تونناعا جۋىق مۇناي قورى جاتىر دەپ بولجانۋدا جانە ول سوڭعى جىلدارى تەڭىز تابانىنان تابىلعان ەڭ ءىرى مۇناي ورىندارىنىڭ ءبىرى بولۋى ىقتيمال.
اۆتور: رۋسلان عابباسوۆ