وتاندىق ءدارى-دارمەك 2016-جىلى قازاقستان نارىعىنىڭ جارتىسىن جاۋلايدى
«ءبىز قازىر ءوزىمىزدىڭ وتاندىق ءدارى-دارمەكتىڭ قازاقستاندىق ءوندىرىسىن بەلسەندى دامىتىپ كەلەمىز. مىسالى، 2008-2010-جىلدارى ءبىز 8-10 ميلليارد وتاندىق ءدارى-دارمەكتى شىعارساق، قازىر ول 36 ميللياردقا جەتتى. بۇدان بولەك، قازىر قازاقستاندىق كاسىپورىندارعا شەتەلدىك ءىرى ينۆەستورلار تارتىلدى. تىكەلەي ينۆەستيتسيانىڭ جالپى كولەمى 300 ميلليون دوللاردان اسادى. بۇرىن نارىقتىڭ شاعىن بولۋىنا بايلانىستى ينۆەستورلار دا بولعان جوق. ال قازىر كەدەن وداعىنىڭ نارىعى - 170 ميلليون، ەندى ولارعا قىزىق بولا باستادى»، - دەيدى سۇلتانوۆ.
ونىڭ سوزىنە قاراعاندا، قازاقستاندىق نارىقتاعى وتاندىق ءدارى-دارمەكتىڭ ۇلەسى - 37 پايىز، ال 63 پايىزى - شەتەلدىكى. جاعداي الماتى وبلىسىنداعى فارماتسيەۆتيكالىق ءىرى كاسىپورىن ىسكە قوسىلعاننان كەيىن تۇزەلۋى ءتيىس. ونىڭ كۇشى قازىر جۇمىس ىستەپ تۇرعان كاسىپورىنداردىڭ مۇمكىندىگىنەن 11 ەسەگە اسىپ تۇسەتىن بولادى.
زاۋىت تۇركيا ينۆەستورلارىنىڭ قاتىسۋىمەن سالىنعان. «وتكەن جىلى وتاندىق ءدارى-دارمەك شىعاراتىن جەتى كاسىپورىن ىسكە قوسىلدى. زاۋىتتاردا حالىقارالىق GMP ستاندارتى بار، ول ءونىم يمپورتىنا تىرەك بولا الادى. بۇل ءوزىمىزدىڭ نارىقتىڭ 50 پايىزىن جابۋعا جەتكىلىكتى. ءبىراق الەمدە بىردە-ءبىر ەلدىڭ بارلىعىن ءوزى شىعارۋدى ماقسات ەتپەيتىنىن ەسكەرۋ كەرەك. بۇدان بولەك، سوڭعى ءۇش جىلدا شپريس، قان قۇيۋعا ارنالعان سيستەمالار، ۆاكۋۋم تۇتىكتەر، حالاتتار مەن قولعاپتار شىعاراتىن 19 زاۋىت ىسكە قوسىلدى»، - دەدى ول.
وتاندىق ءدارى-دارمەكتەردىڭ ەكسپورتىنا قاتىستى ايتاتىن بولساق، سۇلتانوۆتىڭ سوزىنە قاراعاندا، ول جىل سايىن 5-7 پايىزعا ارتىپ كەلەدى. ءونىمنىڭ جالپى كولەمىنىڭ 10 پايىزى ەكسپورتتالىپ جاتىر. «جوسپار بويىنشا، ءدارى-دارمەكتى شىعارۋ كولەمى مىناداي - 30 پايىزى - مەملەكەتتىك تاپسىرىس، 30 پايىزى ەكسپورتقا جانە 40 پايىزى - بولشەكتەپ ساتۋعا ارنالعان»، - دەدى سۇلتانوۆ.
بۇعان دەيىن 2014-جىلدان باستاپ، وتاندىق ءدارى-دارمەكتەردىڭ قازاقستاندىق نارىقتىڭ 50 پايىزىنا يە بولاتىنى بۇعان دەيىن حابارلانعان بولاتىن. ءبىراق سۇلتانوۆتىڭ ايتۋىنا قاراعاندا، ول كەزدە ايتىلعان اڭگىمە جاڭا زاۋىتتاردىڭ قۇرىلىسى مەن GMP ستاندارتىن الۋعا قاتىستى بولعان. كاسىپورىندار 2014-جىلى جەلتوقساندا وتكىزىلدى، ەندى ولار 2015-جىلدىڭ سوڭىنا قاراي جوبالىق قۋاتقا شىعۋى ءتيىس.