بيىل 2016-2018 - جىلدارعا ارنالعان قازاقستان- رەسەي بىرلەسكەن جۇمىستار جوسپارى قابىلدانادى دەپ سەنەمىز - ۆ. پۋتين
«ءبىز شىن مانىندە شاعىن قۇرامداعى كەلىسسوز بارىسىندا ىنتىماقتاستىعىمىزدىڭ ماڭىزدى باعىتتارى بويىنشا سويلەستىك. ءبىراق، مەن باستاپقى ساتتە بىزدەردىڭ قارىم- قاتىناسىمىز بارلىق باعىتتاردا وتە ءتيىمدى دامىپ جاتقانىن اتاپ وتكىم كەلەدى. مەن ساياسي جانە قاۋىپسىزدىك ماسەلەلەرى، لاڭكەستىكپەن، ۇيىمداسقان قىلمىسپەن كۇرەس ماسەلەلەرىنە قاتىستى ايتىپ وتىرمىن.
ارينە، ەكونوميكا سالاسى دا بار. ءبىز بەلگىلى ءبىر ستاتيستيكالىق قۇلدىراۋدىڭ شامالى ورىن الۋىن بايقاۋدامىز. ءبىراق، فيزيكالىق كولەم ءىس جۇزىندە وزگەرىسسىز قالۋدا. ءبىز قازىرگى ۋاقىتتا 2013 -جىلى قابىلدانعان ەكىجاقتى جوسپار اياسىندا جۇمىس ىستەۋدەمىز. ونىڭ مەرزىمى 2015 - جىلى اياقتالادى. ءبىزدىڭ ارىپتەستەرىمىز 2016-2018 - جىلدارعا ارنالعان كەلەسى بىرلەسكەن جۇمىستاردىڭ جوسپارىن ازىرلەۋدە. ءبىز قازاقستانداعى سەرىكتەستەرىمىزگە جوسپار جوباسىن جىبەردىك جانە اعىمداعى جىلدىڭ سوڭىنا دەيىن، جەلتوقسان ايىنا دەيىن ونىڭ قابىلداناتىندىعىنا ءۇمىت ارتامىز» ، - دەدى ۆ. پۋتين.
سونىمەن قاتار ر ف پرەزيدەنتىنىڭ اتاپ وتۋىنشە، قازاقستان ەكونوميكاسىنداعى رەسەيلىك ينۆەستيتسيا كولەمى دە ەسەلەنە تۇسۋدە. بۇگىندە ول 9 ميلليارد دوللاردان اسىپ جىعىلىپ وتىر.
رەسەي باسشىسى ءوز سوزىندە رەسەي ارقىلى قازاقستاندىق مۇنايدىڭ باسىم بولىگى اتىراۋ- سامارا، ماحاچكالا- نوۆوروسسييسك جانە كاسپيي مۇناي قۇبىرى ارقىلى ەكسپورتقا شىعارىلىپ جاتقاندىعىن اتاپ ءوتتى.
اۆتور: مارلان جيەمباي