بۇل تۋرالى ب ۇ ۇ دۇنيەجۇزىلىك تۋريستىك ۇيىمىنىڭ باس حاتشىسى تالەب ريفاي ءمالىم ەتتى، دەپ حابارلادى ت ا س س.
ونىڭ ايتۋىنشا، بۇل كورسەتكىش وتكەن جىلى 1,18 ميلليارد ادامدى قۇراعان، بۇل 2014 - جىلمەن سالىستىرعاندا 50 ميلليون ادامعا كوپ.
شەتەلدىك تۋريزم دەڭگەيى ەۋروپادا، ازيا جانە تىنىق مۇحيت ايماعىندا جانە امەريكادا 5 پايىزعا وسكەن. ال سولتۇستىك افريكادا لاڭكەستىك اكتىلەر قاۋپىنە وراي بۇل كورسەتكىش 8 پايىزعا تومەندەگەن. شەتكە شىعاتىن تۋريستەر لەگى جاعىنان وتكەن جىلى قىتاي، ا ق ش جانە ۇلى بريتانيا كوش باستادى.
«كوپتەگەن پروبلەمالارعا قاراماستان تۋريزم ودان ءارى ءوسىپ كەلەدى. 2016 - جىلى ءبىز ونىڭ ورتاشا ەسەپپەن 4 پايىزعا ءوسۋىن كۇتۋدەمىز»، - دەدى ۇيىمنىڭ باس حاتشىسى تالەب ريفاي.
«سەكتورداعى جاقسى كورسەتكىشتەر ەكونوميكالىق وسىمگە جاردەمدەسەدى، الەمنىڭ كوپتەگەن جەرلەرىندە جاڭا جۇمىس ورىندارى اشىلۋىنا ىقپال ەتەدى. سوندىقتاندا مەملەكەتتەردىڭ تۋريزمدى ودان ءارى ىنتالاندىرۋى ماڭىزدى»، - دەدى ول.
«تۋريزمدى دامىتۋ كوپ جاعدايدا ءبىزدىڭ ساياحاتتاردى قاۋىپسىز جانە سەنىمدى ەتۋگە جاردەمدەسەتىن ۇجىمدىق قابىلەتىمىزگە بايلانىستى»، - دەدى ۇيىم باسشىسى.