قاراعاندىدا «قازاقستاننىڭ ۇزدىك تاۋارى-2015» وڭىرلىك بايقاۋىنىڭ جەڭىمپازدارى انىقتالدى
ونى وبلىس اكىمدىگى، ونەركاسىپ جانە يندۋستريالدىق-يننوۆاتسيالىق دامۋ باسقارماسى مەن كاسىپكەرلەر پالاتاسى بىرلەسىپ ۇيىمداستىردى.
ءوز سوزىندە قاراعاندى وبلىسىنىڭ اكىمى نۇرمۇحامبەت ابدىبەكوۆ وڭىردە يندۋستريالدى-يننوۆاتسيالىق دامۋدىڭ ەكىنشى بەس جىلدىعىن جۇزەگە اسىرۋ بەلسەنە جۇرگىزىلىپ جاتقانىن اتاپ ءوتتى، دەپ حابارلايدى وبلىس اكىمدىگىنىڭ باسپا ءسوز قىزمەتىنەن.
ءۇ ي ي د العاشقى بەسجىلدىعىندا وبلىستا 6,5 تريلليون تەڭگەگە ونەركاسىپتىك ءونىم ءوندىرىلدى، يندۋستريالاندىرۋ كارتاسى اياسىندا ءبىرقاتار وندىرىستەر ىسكە قوسىلدى.
بايقاۋ «ۇزدىك وندىرىستىك تاۋارلار»، «حالىققا ارنالعان ۇزدىك تاۋارلار»، «ۇزدىك ازىق-تۇلىك تاۋارلارى» اتالىمدارى بويىنشا ءوتتى.
بايقاۋ قورىتىندىستى بويىنشا جەڭىمپازدار انىقتالدى. «ۇزدىك وندىرىستىك تاۋارلار» اتالىمىندا 1- ورىندى بۇقار جىراۋ اۋدانىنىڭ «بەمەر ارماتۋرا» ج ش س، Ⅱ ورىندى بالقاش قالاسىنىڭ «ءتۇستى مەتالدار وڭدەۋ زاۋىتى» ا ق، Ⅲ ورىندى قاراعاندى قالاسىنىڭ «Bekem-Plast» ج ش س يەلەندى. «حالىققا ارنالعان ۇزدىك تاۋارلار» اتالىمىندا 1- ورىنعا «قاراعاندى مەتالل بۇيىمدار زاۋىتى» لايىق دەپ تانىلسا، Ⅱ جانە Ⅲ ورىنداردى سايكەسىنشە «قاراعاندى اياق كيىم فابريكاسى» ج ش س مەن «تەگام» ج ش س ءبولىستى. «ۇزدىك ازىق-تۇلىك تاۋارلارى» اتالىمىندا 1- ورىندى «Eurasian foods» ا ق، Ⅱورىندى «ناتيجە ءسۇت فابريكاسى» ج ش س، ال 3- ورىندى بۇقارجىراۋلىق «اقنار قۇس فابريكاسى» ج ش س الدى.
ەندى كورمە لاۋرەاتتارى جىل سوڭىندا استانادا وتەتىن رەسپۋبليكالىق «قازاقستاننىڭ ۇزدىك تاۋارى-2015» بايقاۋىنا قاتىسادى.