ءاليا نازاربايەۆا «مۋز-ت ۆ 2015» سىيلىعىن تابىستاۋ راسىمىنە كەلدى
بيىل العاش رەت سىيلىقتى تابىستاۋ ءراسىمى ماسكەۋدەن وزگە جەردە ۇيىمداستىرىلۋدا.
«بۇگىن وسى شارا ارقىلى قازاقستاننىڭ مۋزىكالىق مادەنيەتىمەن جانە ارتىستەرىمەن، قازاقستان سىندى كەرەمەت ءارى كوركەيىپ كەلە جاتقان ەلمەن تانىسا الامىز»، - دەيدى «مۋز-ت ۆ» تەلەارناسىنىڭ باس ديرەكتورى ارمان داۋلەتياروۆ.
ونىڭ سوزىنە قاراعاندا، ماسكەۋدەن 1000 نان استام مەيمان كەلىپ وتىر.
«مەن بۇگىن ەكى ەسە قوبالجىپ وتىرمىن، ويتكەنى شارانى قازاقستاندا، استانادا وتكىزۋدەمىن. بۇل ازيانىڭ مارجانى، ءبىزدى اسا جوعارى قوناقجايلىقپەن قارسى الۋى ارتىستەردىڭ ماڭگى ەستەرىندە قالادى. ماسكەۋدەن 1 مىڭنان استام ءارتىس، ارىپتەستەر، دوستار كەلدى. مەن بارلىعىنا راحمەت ايتقىم كەلەدى»، - دەپ اتاپ ءوتتى ول.
ايتا كەتەيىك، «مۋز- ت ۆ 2015» سىيلىعىن تابىستاۋ راسىمىنە ءاليا نازاربايەۆا كەلدى.
«ارينە، «مۋز-ت ۆ» سىيلىعى العاش رەت ورنىن اۋىستىرىپ، استانادا وتكىزىلىپ جاتقانى بارشا قازاقستان ءۇشىن ۇلكەن ابىروي. بارلىق ارتىستەرگە ساتتىلىك تىلەگىم كەلەدى. ال بىزگە تەڭىزدەي اسەر الۋعا تىلەكتەسپىن»، - دەدى ءا. نازاربايەۆا.
شارانى ماكسيم گالكين، كسەنيا سوبچاك، لەرا كۋدرياۆتسيەۆا جانە اندرەي مالاحوۆ، نۇرلان قويانبايەۆ پەن اسەل ساعاتوۆا جۇرگىزۋدە.
ايتا كەتەيىك، مۋزتۆ سىيلىعىن تاپسىرۋ ءراسىمى العاش رەت استانادا وتۋدە. بۇل شوۋدى ءجۇز ميلليوننان استام تەلەكورەرمەن «قازاقستان»، «مۋز ت ۆ» جانە باسقا دا رەسەيلىك فەدەرالدى، ۇلتتىق تەلەارنالار ارقىلى تاماشالايتىن بولادى. «مۋز- ت ۆ سىيلىعى» - شوۋ-بيزنەستەگى ماڭىزدى، اۋقىمدى جانە بەدەلدى وقيعالاردىڭ ءبىرى. ونى 2003 -جىلدان «مۋز- ت ۆ» ارناسى ۇيىمداستىرىپ كەلەدى. جەڭىمپازدار كورەرمەندەردىڭ جانە اكادەميكتەردىڭ داۋىس بەرۋى ارقىلى انىقتالادى. «مۋز- ت ۆ» سىيلىعىن ماراپاتتاۋ شاراسىنا الەمدىك دەڭگەيدەگى جۇلدىزدار شاقىرتىلدى.
اۆتور: جاسۇلان جولدىبايەۆ