سايلاۋ-2015: كانديدات ت. سىزدىقوۆ استانا قالاسىنداعى قازاق دراما تەاترىندا سايلاۋشىلارمەن كەزدەستى
كانديدات تۇرعىن سىزدىقوۆتىڭ جۇمىسكەرلەرمەن كەزدەسۋىندەگى باستى تاقىرىپ جالپى ادامزاتتىق قۇندىلىقتارعا ارنالعان.
ت. سىزدىقوۆ ايتقانداي، بۇگىن ادامي قۇندىلىقتار قاتارىندا ءبىرىنشى كەزەكتە حالىقتاردىڭ بەيبىت ءومىر ءسۇرۋى مەن ينتەرناتسيوناليزم بولىپ تابىلادى. ولار بەيبىتشىلىك پەن وركەندەۋدىڭ كەپىلى. الەم حالىقتارى تۇراقتىلىق پەن وركەندەۋدى ساقتاۋدىڭ ماڭىزىن تۇسىنەدى، ول ءۇشىن شىدامدىلىق پەن توزىمدىلىك يدەيالارىن العا تارتۋ قاجەت. جەر بەتىندەگى بەيبىتشىلىككە قول جەتكىزۋدىڭ شارتى - بارلىق مەملەكەتتەردىڭ بەيبىت ىنتىماقتاستىعى ەكەندىگى داۋ تۋدىرمايدى.
قازىر ءبىز بەيبىت ءومىر سۇرۋدەمىز، ول ءبىرىنشى كەزەكتە ءبىزدىڭ تاريحي قوناقجايلىعىمىزبەن، مەيىرباندىعىمىز جانە ىزگىلىگىمىزبەن بايلانىستى. بۇل ءبىزدىڭ داستۇرلەرىمىز.
«قازىرگى فورماتسياداعى ماركسيزم- لەنينيزم ءبىزدىڭ پارتيانىڭ نەگىزى بولىپ تابىلادى. ماركسيزمنىڭ عىلىمي نەگىزدەلگەن يدەيالارى ءوزىنىڭ وزەكتىلىگىن جوعالتقان جوق جانە ءبىز ولاردى العا تارتۋ باعىتىنداعى قىزمەتتى جالعاستىرامىز»، - دەدى كانديدات.
«باتىس قوعامى شىنايى جانە جالعان قۇندىلىقتاردىڭ كۇرەسى، ونەگەلىك داستۇرلەر مەن ادامگەرشىلىك قاعيدالارىنىڭ ديەۆالۆاتسيالانۋى جاعدايىندا ءومىر ءسۇرىپ كەلەدى. وسىنداي ۇردىستەر الەۋمەتتىك دامۋدا اۋىر زارداپتارعا سوقتىرادى»، - دەپ ت. سىزدىقوۆ ويىمەن ءبولىستى.
ت. سىزدىقوۆتىڭ پىكىرىنشە، باتىستىق مىنەز- قۇلىق ادامگەرشىلىك، جانىنداعىلارعا كومەك كورسەتۋ جانە مەيىرباندىق قاسيەتتەرىنەن ارىلعان اقىلسىز ازاماتتاردى تاربيەلەيدى. مىسالعا، وسىنداي وتباسىلاردا بىرتىندەپ وتباسىلىق- تۋىستىق قاتىناستار جويىلىپ، رۋلىق داستۇرلەردىڭ ميراستىعى ۇزىلەدى.
« جاڭا ۇرپاققا ءومىر بەرگەن اتا- انالاردى قۇرمەتتەۋ قاسيەتى دە جات بولىپ كەتتى. تەرەڭ ينديۆيدۋاليزم مەن الەۋمەتتىك جالعىزدىققا ۇمتىلىس باتىس قوعامى وكىلدەرىنە جاستايىنان تاربيەلەنەدى. كامەلەت جاسىنا جەتكەننەن كەيىن باتىس جاستارى اتا- اناسىنىڭ ۇيىنەن كەتىپ، جەكە ءومىرىن ۇيىمداستىرۋ قامىن شەگەدى. وسىلايشا، ۇرپاقتاردىڭ ءبىر- بىرىمەن بايلانىستارى ءۇزىلىپ، رۋحاني- ادامگەرشىلىك ۆاكۋۋم پايدا بولعان.
باتىس قوعامىندا ساتتىلىك تەورياسى بەكەر ەنگىزىلمەگەن. بارلىق ءىس- قيمىلدار كەز- كەلگەن ادىستەر ارقىلى ساتتىلىككە جەتۋگە يتەرمەلەيدى. جەڭىلىستىڭ بارلىعى ورنى تولتىرىلمايتىن زيان رەتىندە ەسەپتەلىپ، ادامدى ءبىر ساتىعا تومەندەتەدى. وسىنداي قوعامدا رۋحاني- ادامگەرشىلىك قۇندىلىقتارى شەتتە قالادى، ولار قاجەت ەمەس»، - دەدى ول.
كەزدەسۋ سوڭىندا پرەزيدەنتتىككە كانديدات ت. سىزدىقوۆ قاتىسۋشىلاردىڭ سۇراقتارىنا جاۋاپ بەردى.