سايلاۋ-2015: كانديدات ن. نازاربايەۆتىڭ ر ق ش مۇشەلەرى «لوكوموتيۆ قۇراستىرۋ زاۋىتى» ا ق ۇجىمىمەن كەزدەستى
ل. ن. گۋميليەۆ اتىنداعى ەۋرازيالىق ۇلتتىق ۋنيۆەرسيتەتىنىڭ ستۋدەنتتەرىمەن، پروفەسسورلىق- وقىتۋشىلىق قۇرامىمەن، عىلىم جانە شىعارماشىلىق زيالى قاۋىم وكىلدەرىمەن كەزدەستى، سونداي- اق قانت ديابەتىنىڭ الدىن الۋعا ارنالعان دوڭگەلەك ۇستەلگە قاتىستى.
دەلەگاتسيا قۇرامىندا رەسپۋبليكالىق قوعامدىق شتاب باسشىسى مۇحتار قۇل- مۇحاممەد، «نۇر وتان» پارتياسىنىڭ ءتوراعاسى باۋىرجان بايبەك، قازاقستاننىڭ ەڭبەك ەرى ءابىش كەكىلبايەۆ، ايمان مۇساقوجايەۆا، قازاقستان حالقى اسسامبلەياسىنىڭ ءتوراعاسى اناتولي باشماكوۆ، قازاقستان پاتريوتتار پارتياسىنىڭ ءتوراعاسى عاني قاسىموۆ، «اق جول» دەموكراتيالىق پارتياسىنىڭ ءتوراعاسى ازات پەرۋاشيەۆ، «اۋىل» قازاقستان سوتسيال- دەموكراتيالىق پارتياسىنىڭ ءتوراعاسى عاني قاليەۆ، «بىرلىك» ساياسي پارتياسىنىڭ ءتوراعاسى سەرىك سۇلتانعالي، «اتامەكەن» ۇلتتىق كاسىپكەرلەر پالاتاسى باسقارماسىنىڭ ءتوراعاسى ابىلاي مىرزاحمەتوۆ، ق ر پارلامەنتىنىڭ دەپۋتاتتارى ۆلاديمير رەدكوكاشين، قايىربەك سۇلەيمەنوۆ، الدان سمايىل، «ۇلتتىق عىلىمي كارديوحيرۋرگيالىق ورتالىعى» ا ق باسقارماسىنىڭ ءتوراعاسى يۋريي پيا، ۇ ە ۇ، عىلىمي جانە شىعارماشىلىق زيالى قاۋىم وكىلدەرى مەن بەلگىلى قوعام قايراتكەرلەرى جانە ت. ب. بولدى.
«تۇلپار Talgo» زاۋىتىنىڭ كران ماشينيستى ناتاليا يۆانوۆنا سويلەگەن سوزىندە قازاقستاننىڭ بارشا ەڭبەككەرلەرى سياقتى پرەزيدەنت سايلاۋىندا نۇرسۇلتان نازاربايەۆقا داۋىس بەرەتىنىن اتاپ ءوتتى.
«بالالارىم مەن نەمەرەلەرىمنىڭ كەلەشەگى مەن ءۇشىن اسا ماڭىزدى. نازاربايەۆ - ءبىزدىڭ مەملەكەتتى بارشا الەمگە تانىتقان بەدەلدى كوشباسشى. جاڭا كاسىپورىندار، زاۋىتتار، مىڭداعان قازاقستاندىقتاردىڭ جۇمىس ورنى ءبارى دە نازاربايەۆتىڭ سىندارلى ساياساتىنىڭ ارقاسىندا جۇزەگە اسۋدا. يندۋستريالاندىرۋ العاشقى لەگىندە جۇمىس ىستەگەنىمدى ماقتان تۇتامىن. داۋىسىمدى وتانىمنىڭ دامۋى مەن گۇلدەنۋى ءۇشىن بەرەمىن. 2015 - جىلعى 26 - ساۋىردە سايلاۋ ۋچاسكەلەرىنە كەلىپ، ەرتەڭگى كۇننىڭ تۇراقتىلىعى مەن سەنىمدىلىگىنە، ياعني ەلباسىمىزعا داۋىس بەرۋگە شاقىرامىن»، - دەپ اتاپ ءوتتى ن. يۆانوۆنا.
كەلەسى كەزدەسۋ تاۋەلسىزدىك سارايىندا عىلىم، شىعارماشىلىق سالاسىنىڭ زيالىلارىمەن، تەاتر جانە كينو ارتىستەرىمەن، رەسپۋبليكالىق باسىلىمدار باسشىلارىمەن ءوتتى.
«استانا وپەرا» ءانشىسى سالتانات احمەتوۆا قازاقستاننىڭ شىعارماشىلىق جاستارىنىڭ اتىنان مادەنيەت پەن ونەر سالاسىنا قولداۋ كورسەتكەنى ءۇشىن نۇرسۇلتان نازاربايەۆقا العىس سەزىمىن ءبىلدىردى.
«جاڭارعان قازاقستاندا، جاستارعا كەڭ مۇمكىندىك اشىلعان تاماشا ەلدە ءومىر ءسۇرىپ جاتقانىما قۋانىشتىمىن. ومىرگە قاجەتتىنىڭ ەڭ ۇزدىگىن الۋ مۇمكىندىگىمىز بار. مۇنىڭ بارلىعى ءبىزدىڭ سارابدال، قامقور كوشباسشىمىزدىڭ ارقاسى» ، - دەپ اتاپ ءوتتى س. احمەتوۆا.
ە ۇ ۋ- ىندە ر ق ش مۇشەلەرىمەن كەزدەسۋ بارىسىندا تەلەجۇرگىزۋشى مايا بەكبايەۆا ءسوز الدى. ول قازاقستاندىقتار باسشىلارىن ماقتان تۇتۋى قاجەتتىگىن باسا ايتتى.
«مەن ارالاس ۇلتتى وتباسىندا تاربيەلەندىم، نۇرسۇلتان ءابىش ۇلى نازاربايەۆقا ۇلتارالىق تاتۋلىققا باسا ءمان بەرەتىنى ءۇشىن العىسىم شەكسىز. ول قازاقستاندا جۇدىرىقتاي جۇمىلىپ، بىرلىكتى تۋ ەتكەن ەل قالىپتاستىردى، ءبىزدىڭ ەلباسىمىز ۇلى كوشباسشى دەگىم كەلەدى!»، - دەدى م. بەكبايەۆا.
استانا تۇرعىندارى دا ءبىراۋىزدان مىقتى، گۇلدەنگەن قازاقستاندا ءومىر سۇرگىسى كەلەتىندەرىن، سوندىقتان دا ولار نۇرسۇلتان نازاربايەۆقا داۋىس بەرەتىندەرىن ءمالىم ەتتى.