سايلاۋ-2015: كانديدات ت. سىزدىقوۆ كوكشەتاۋ قالاسىنىڭ «يستوكي» مادەنيەت ۇيىندە سايلاۋشىلارمەن كەزدەستى
بۇگىن قازاقستان كوممۋنيستىك حالىق پارتياسى اتىنان قازاقستان رەسپۋبليكاسى پرەزيدەنتتىگىنە كانديدات تۇرعىن سىزدىقوۆ كوكشەتاۋ قالاسىنداعى «يستوكي» مادەنيەت ۇيىندە سايلاۋشىلارمەن كەزدەستى.
تۇرعىندارمەن كەزدەسۋ بارىسىندا ت. سىزدىقوۆ سايلاۋالدى تۇعىرناماسىنىڭ تەزيستەرىن بايانداي كەلە، باتىستىق تۇرمىس سالتىنىڭ كەمشىلىكتەرى مەن ساۋ ۇلت قالىپتاستىرۋ ءۇشىن سالاۋاتتى ءومىر سالتىن ۇستانۋ قاجەتتىگى تۋرالى ويلارىمەن ءبولىستى.
«ماركسيزم- لەنينيزمنىڭ عىلىمي نەگىزدەلگەن يدەيالارى قازىرگى ۋاقىتتا ءوزىنىڭ ماڭىزدىلىعى مەن وزەكتىلىگىن جوعالتقان جوق. زاماناۋي قۇرىلىمداعى كوممۋنيزم عانا جويقىن باتىس مادەنيەتىنە قارسى تۇرا الادى. قازاقستان كوممۋنيستىك حالىق پارتياسىنىڭ قىزمەتى عىلىمي سوتسياليزم يدەيالارىنا، ماركستىك- لەنيندىك ءىلىم جانە پروگرەسسيۆتى قوعامدىق پايىمداۋعا نەگىزدەلگەن»، - دەدى تۇرعىن ىسقاق ۇلى شارانىڭ باسىندا.
ونىڭ ايتۋىنشا: «باتىس حالىقتىڭ اقىل- ويىن ادىلەتتىلىك، كىشىپەيىلدىك، ءوزىن- ءوزى جەتىلدىرۋگە ۇمتىلىس سياقتى عاسىرلار بويى قالىپتاسىپ كەلگەن ادامگەرشىلىك پەن ونەگەلىك قاعيدالارىن جوعالتقان كينەماتوگرافيا جانە ادەبيەت ونىمدەرىمەن ۋلاندىرىپ كەلەدى. باتىس كينوسى تەك زورلىق- زومبىلىققا ۇيرەتىپ جانە جاستاردىڭ ويىندا تەك جەڭىل تابىس ۇمتىلىسىن دامىتىپ كەلەدى.
ولاردىڭ كيىم كيۋ سالتى اقىلعا ساي كەلەتىن كيىمدەرگە سايكەس كەلمەيدى. باتىستىڭ مادەني ستاندارتتارى تۇتىنۋ كەيپىنە اينالىپ كەتكەن. ولار ومىردە ەڭ باستىسى جاڭا زاتتار، تەلەفوندار، تەلەديدارلار دەپ ۋاعىزداپ كەلەدى. ادامدىق قارىم- قاتىناستار قۇنسىزدانىپ كەتكەن» .
كانديدات ت. سىزدىقوۆتىڭ پايىمداۋىنشا: «بۇگىن بەيبىتشىلىك، دوستاستىق، ينتەرناتسوناليزم سياقتى جالپى ادامدىق قۇندىلىقتار ماڭىزدى بولىپ تابىلادى.
بارلىق ەلدەردە پروگرەسسيۆتى كۇشتەر جاڭاشىلدىق پەن شىدامدىلىقتىڭ جوعارى يدەالدارىنىڭ ماڭىزدىلىعىن ءتۇسىنىپ كەلەدى.
ءار ءتۇرلى مادەنيەت وكىلدەرىنىڭ اراسىنداعى دوستىق بىرلىكتى بەكىتۋگە جىگەرلەندىرەدى.
ءبىز بەيبىتشىلىك پەن كەلىسىمدىكتە ءومىر ءسۇرىپ كەلەمىز. بۇل جالپى ادامدىق قۇندىلىقتار جانە ولار كەلەسى ۇرپاققا بەرىلۋى ءتيىس.
بۇل ءبىزدىڭ حالقىمىزدىڭ سالت- ءداستۇرى.
تاريحي قوناقجايلىق، مەيىرىمدىك، وتباسىلىق قۇندىلىقتار مەن ۇلكەندەردى قۇرمەتتەۋ كەرەمەت جەمىس بەرەدى.
ارتقا قاراپ، ءبىز وسى نەگىزدەردى ساقتاۋ جولىندا وتكىزگەن جىلدارىمىزدى ەسكە تۇسىرەمىز.
وسىنىڭ بارلىعى جەر بەتىندە قالىپتاسقان سەنىمدىلىك پەن جاڭاشىلدىق اتموسفەراسىن ماڭىزدى مازمۇنمەن تولتىرادى. سوندىقتان، قازىرگى ۋاقىتتا تۇراقتىلىق پەن وركەندەۋ تەرەڭ مازمۇن مەن ماعىناعا يە بولىپ كەلەدى».