سايلاۋ-2015: كانديدات ن. نازاربايەۆتىڭ قوعامدىق شتابىنىڭ مۇشەلەرى ستەپنوگور قالاسىنىڭ جۇرتشىلىعىمەن كەزدەستى
دەلەگاتسيا قۇرامىندا ن. ءا. نازاربايەۆتىڭ رەسپۋبليكالىق قوعامدىق شتابىنىڭ باسشىسى مۇحتار قۇل- مۇحاممەد، «اق جول» دەموكراتيالىق پارتياسىنىڭ ءتوراعاسى ازات پەرۋاشيەۆ، قازاقستان قارۋلى كۇشتەرىنىڭ ارداگەرلەرى قاۋىمداستىعىنىڭ ءتوراعاسى باقىتجان ەرتايەۆ، ق ر پارلامەنتى سەناتى مەن ءماجىلىسىنىڭ دەپۋتاتتارى، سونداي-اق بەلگىلى مەملەكەت جانە قوعام قايراتكەرلەرى بار.
ر ق ش مۇشەلەرىنىڭ قالا اكتيۆىمەن كەزدەسۋى بارىسىندا «Sareco» ب ك» ج ش س مەتاللۋرگيا زاۋىتىنىڭ جۇمىسشىسى اسىلبەك قارجاۋبايەۆ قازاقستاننىڭ بارلىق ەڭبەككەرلەرى نۇرسۇلتان نازاربايەۆقا داۋىس بەرەدى دەپ مالىمدەدى.
«90-جىلدارى ستەپنوگوردا قانشالىقتى قيىن بولعانىن بارلىعىمىز دا بىلەمىز: كاسىپورىندار توقتاپ تۇردى، جۇمىسسىزدىقتىڭ كەسىرىنەن كوپتەگەن ادامدار قالادان كەتۋگە ءماجبۇر بولدى. الايدا ءبىزدىڭ كوشباسشىمىز نۇرسۇلتان ءابىش ۇلىنىڭ ارقاسىندا قالانىڭ ەكىنشى تىنىسى اشىلدى. ءۇييد باعدارلاماسى بويىنشا 5 كاسىپورىن قۇرىلدى، ءبىزدىڭ تاۋارلار شەتەلگە شىعارىلا باستادى، ساتۋ كولەمى ارتتى. مەن جۇمىسشى ادام رەتىندە ايتارىم، وسىنداي الپاۋىت مۇمكىندىكتەرى بار ەلدى وندىرىستەن حابارى بار، قاراپايىم حالىقتىڭ قاجەتتىلىكتەرىن بىلەتىن ناعىز كاسىبي تۇلعا باسقارۋى كەرەك. ءبىزدىڭ پرەزيدەنت وسىنداي ادام!» - دەدى ا. قارجاۋبايەۆ.
«جاس وتاننىڭ» ستەپنوگور قالالىق فيليالىنىڭ جەتەكشىسى نيكيتا كارانداشوۆتىڭ ايتۋىنشا، قالا جاستارى نۇرسۇلتان نازاربايەۆتى ۇلگى تۇتادى.
«نۇرسۇلتان ءابىش ۇلى ومىرىندە بارلىعىنا ءوز ەڭبەگىمەن قول جەتكىزدى. ءبىز ونىڭ باتىلدىعىنا، ەرىك- جىگەرىنە، ماقساتتىلىعىنا قايران قالامىز. ول كەزدە بۇگىندە بىزدە بار مۇمكىندىكتەر بولعان جوق. قازاقستان جاستارى باقىتتى. ءبىز تابىستى ءارى گۇلدەنگەن مەملەكەتتە ءومىر ءسۇرىپ جاتىرمىز! بىزدە الەمنىڭ ۇزدىك ۋنيۆەرسيتەتتەرىندە ءبىلىم الىپ، جەڭىلدىكپەن باسپانا الۋعا، ەڭ ءتيىمدى جۇمىس شارتتارىن تاڭداۋعا مۇمكىندىگىمىز بار! مەنىڭ كوشباسشىم - ءبىزدىڭ ەلباسى»، - دەدى ن. كارانداشوۆ.
«بيومەدپرەپارات» كاسىپورنىنداعى كەزدەسۋدە جاس عالىم رينات حاننانوۆ پرەزيدەنتكە «بولاشاق» باعدارلاماسى ءۇشىن ريزاشىلىعىن ءبىلدىردى.
«نۇرسۇلتان ءابىش ۇلىنىڭ ارقاسىندا قاراپايىم وتباسىنان شىققان ماعان جانە كوپتەگەن مىڭداعان جاس قازاقستاندىقتار ءۇشىن «بولاشاق» پرەزيدەنتتىك باعدارلاماسى بويىنشا الەمنىڭ جەتەكشى ۋنيۆەرسيتەتتەرىنىڭ بىرىندە ءبىلىم الۋدىڭ بىرەگەي مۇمكىندىگى تۋدى.
مەن م. ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىن ءبىتىردىم جانە وزىمە كورسەتىلگەن سەنىم ءۇشىن ۇلكەن جاۋاپكەرشىلىكتى سەزىنەمىن. سوندىقتان وقۋدى بىتىرگەننەن كەيىن جۇمىس تاۋىپ، مەنىڭ ءبىلىم الۋىما بەرىلگەن قارجىنى ەسەلەپ قايتارۋعا كۇش سالدىم. مەن ەڭبەك جولىمدى ەلىمىزدىڭ بىرەگەي ۇجىمدارىنىڭ بىرىندە باستاۋ باقىتىنا يە بولدىم. ءبىز وتاندىق يممۋندىق مودەلدەۋ پرەپاراتتارىن جاساۋمەن اينالىسامىز. ول ءبىزدىڭ دەنساۋلىق ساقتاۋ سالاسى ءۇشىن وتە قاجەت، قازاقستاندا مۇنداي زەرتتەۋلەر جۇرگىزۋگە ەلباسى قامتاماسىز ەتكەن ەلدىڭ ەكونوميكالىق گۇلدەنۋى ارقاسىندا قول جەتكىزىلدى»، - دەپ اتاپ كورسەتتى رينات حاننانوۆ.
اقمولا وبلىسى تۇرعىندارىمەن كەزدەسۋى بارىسىندا ر ق ش مۇشەلەرى سونداي-اق بۇكىل قازاقستانعا بەلگىلى «رودينا» اگروفيرماسىنىڭ ۇجىمىندا بولدى.
«مەن كوپ جىلداردان بەرى ساۋىنشى بولىپ ەڭبەك ەتىپ كەلەمىن، بالالار ءوسىرىپ، ولارعا ءبىلىم بەرىپ جاتىرمىز. ءبىزدىڭ اۋىلىمىز دامىپ كەلەدى، جاستار اۋىلدان كەتىپ جاتقان جوق، ۇلكەندەردىڭ تاجىريبەسىن ۇيرەنىپ، اۋىلدى كوتەرۋدە. ءبىزدىڭ ومىرىمىزدە بولىپ جاتقان ۇلكەن جەتىستىكتەردى كورىپ، وزىمىزدە سەزىنىپ وتىرمىز. الەۋمەتتىك باعدارلامالار ويداعىداي جۇزەگە اسىرىلۋدا، جاڭا جۇمىس ورىندارى اشىلۋدا، بۇل ياعني، حالىقتىڭ ءومىر ءسۇرۋ ساپاسى جاقسارىپ، قوعامدا تۇراقتىلىق ساقتالىپ وتىر دەگەن ءسوز»، - دەپ اتاپ ءوتتى «رودينا» اگروفيرماسى» ج ش س ءسۇت زاۋىتىنىڭ ماشينامەن ساۋۋ وپەراتورى گالينا كوۆتۋن.
اقمولا وبلىسىنىڭ تۇرعىندارى ر ق ش مۇشەلەرىن بۇكىل ولكە جۇرتشىلىعى پرەزيدەنتتىك سايلاۋدا نۇرسۇلتان نازاربايەۆقا ءبىراۋىزدان داۋىس بەرەتىنىنە سەندىردى.