سايلاۋ-2015: قازاقستاندا سايلاۋ ۇدەرىسى ۇيلەسىمدى ءارى ۇيىمداسقان تۇردە ءوتىپ جاتىر - ساياساتتانۋشى
20:25, 16 - ءساۋىر 2015
الماتى. قازاقپارات - قازاقستاندا كەزەكتەن تىس پرەزيدەنت سايلاۋىنا قاتىستى سايلاۋ ۇدەرىسى ۇيلەسىمدى ءارى ۇيىمداسقان تۇردە ءوتىپ جاتىر.
بۇل تۋرالى قازاقپارات تىلشىسىنە بەلگىلى قازاقستاندىق ساياساتتانۋشى دانيار اشىمبايەۆ مالىمدەدى.
«جالپى سايلاۋ ۇدەرىسى جاقسى ۇيىمداستىرىلعان. زاڭناما تالاپتارى مۇقيات ورىندالۋدا. باستاپقىدا ءبىرقاتار جەكەلەگەن تەحنيكالىق ماسەلەلەر ورىن العانى بەلگىلى. ءبىراق، ولاردى بولدىرماۋ ءۇشىن شتابتار ءتيىمدى جۇمىس ىستەۋدە. سوندىقتان دا سايلاۋ ۇدەرىسى ۇيلەسىمدى ءارى ۇيىمداسقان تۇردە ءوتىپ جاتىر. كەمشىلىكتەر تۇزەتىلىپ، ۇسىنىستار ەسكەرىلدى. ناۋقان بارىسىندا ازىرگە زاڭ بۇزۋشىلىقتار تىركەلگەن جوق» - دەدى ساياساتتانۋشى.
سونىمەن قاتار، دانيار اشىمبايەۆ سايلاۋ الدى ناۋقانىنىڭ جوعارى دارەجەدە ۇيىمداستىرىلعانىن اتاپ ءوتتى. سونىڭ ارقاسىندا ەلىمىزدىڭ بارلىق وڭىرلەرى بويىنشا سايلاۋشىلار كەڭ كولەمدە قامتىلدى.
اۆتور: قانات مامەتقازى ۇلى