سايلاۋ-2015: كانديدات ت. سىزدىقوۆ ورالدا ستۋدەنتتەرمەن جانە وقىتۋشىلارىمەن كەزدەستى
ق ك ح پ ۇسىنعان ق ر پرەزيدەنتتىگىنە كانديدات تۇرعىن سىزدىقوۆ ورال قالاسىنداعى باتىس- قازاقستان اگرارلىق- تەحنيكالىق ۋنيۆەرسيتەتىندە ستۋدەنتتەر جانە وقىتۋشىلارمەن كەزدەسۋ وتكىزدى.
كەزدەسۋ بارىسىندا ق ر پرەزيدەنتتىگىنە كانديدات پارتيا جۇمىسى مەن ءوزىنىڭ سايلاۋالدى تۇعىرناماسىنىڭ نەگىزگى باعىتتارىمەن تانىستىردى.
«قازاقستاننىڭ كوممۋنيستىك حالىقتىق پارتياسى - كوممۋنيستىك يدەيانى ۇستاناتىن ازاماتتاردىڭ ەرىكتى بىرلەستىگى.
ءبىزدىڭ جۇمىسىمىز قوعامدىق دامۋدىڭ تۇتاس ماتەرياليستىك تەورياسى رەتىندە ماركسيزم- لەنينيزم يدەياسىنا نەگىزدەلىپ قۇرىلعان.
ءبىز ءوز جۇمىسىمىزدى ءادىل قوعام تۋرالى ماركسيستىك- لەنيندىك تۇسىنىكتەردى ساقتاي وتىرىپ قۇرۋعا جانە وسى ارقىلى ادىلەتسىز تۇستارىن جويۋعا تىرىسامىز.
سوڭعى جىلدارى حالىقارالىق ۇيىمداردىڭ ديەتولوگتارى دابىل قاعۋدا.
بارلىق باتىس ەلدەرى دۇرىس ءومىر سالتىن قولدانباۋ، تاماقتانۋ مادەنيەتىن ۇستانباۋ جانە فاست- فۋدتىڭ كەسىرىنەن سەمىزدىك، جۇرەك- قانتامىر اۋرۋلارى، قانداعى قانت دەڭگەيىنىڭ ءوسۋى، ەستۋ، كورۋ، قول- اياق جۇمىسىنىڭ بۇزىلۋى سىندى دەنساۋلىق اقاۋلارىنان زارداپ شەگىپ وتىر.
بۇگىندە دارىگەرلەر باتىس ەلدەرىندەگى تۇرعىندار اراسىندا سەمىزدىكتىڭ ءورشۋىن تەز تاماقتانۋ نەمەسە فاست- فۋدتىڭ كەسىرى دەپ بىلەدى. فاست- فۋد تاعامدارىنىڭ كەرى اسەرىنە قاراماستان ۇلكەن قالالاردا ونىڭ تۇتىنۋشىلارى كۇن ساناپ وسۋدە. تۇتاستاي العاندا، فاست- فۋد سەكىلدى تەز دايىندالاتىن ونىمدەر، گازدى سۋسىندار - مەديا جارنامالاردىڭ ارقاسىندا الەمگە تەز تارالىپ كەتتى.
ءتۇرلى ارنايى دامدەۋىشتەر جانە تەز دايىندالاتىن تاعامداردى تۇراقتى قولدانۋىلارىنا بوي الدىرتۋ ارقىلى فاست فۋد تاعامدارىنان بۇگىندە قاۋىپ تۋىنداۋدا.
مۇنداي تاعامداردى ساتىپ الاتىن جانە قولداناتىن الەمنىڭ بارلىق ادامدارى، اسىرەسە جاستار باتىستىق كورپوراتسيالاردىڭ پايداسى ءۇشىن ءوز دەنساۋلىقتارىن جانە ومىرلەرىن قاتەرگە تىگەدى.
فاست- فۋدتىڭ قۇرامىندا كوپتەگەن كونسەرۆانتتار، اس دامدەۋىشتەر، بوياۋلار، تاعام قوسپالارى سەكىلدى ءتۇرلى حيميالىق قوسپالار بار ەكەندىگى عالىمدار تاراپىنان دالەلدەندى. سونىمەن قاتار، ونىڭ قۇرامىنا دەنساۋلىق زياندى مولشەردەن تىس قانت جانە تۇز قوسىلادى. ءاربىر گامبۋرگەردىڭ قۇرامىنداعى قاتەرلى جانە بەلگىسىز توكسيندى زاتتار ترانسمايلار - كانسەروگەندەر ءتۇرلى قاتەرلى ىسىك اۋرۋلارىنا شالدىقتىرىپ، ادام اعزاسىن بوي الدىرتىپ جانە بىرتىندەپ ۋلاۋدا.
ت. سىزدىقوۆتىڭ ايتۋىنشا، فاست فۋدپەن قاتار تۇتىنۋشىلاردىڭ دەنساۋلىعىنا ءتۇرلى گازدالعان سۋسىندار دا كەرى اسەرىن تيگىزۋدە. كەيبىر سۋسىنداردىڭ قۇرامى مەندەلەيەۆ كەستەسىن ەلەستەتىپ، ادامنىڭ اس قورىتۋ جۇيەسىندە كەرى حيميالىق اسەر بەرەدى.
- كوپتەگەن ەلدەردە فاست فۋدتىڭ كەسىرىنەن تۋىنداعان سەمىزدىك اۋرۋى ۇلتقا تونگەن قاۋىپپەن تەڭەستىرىلگەن. ادامگەرشىلىك، قايىرىمدىلىق، سەنىم، ءبىرىزدىلىكتى جوعالتۋدىڭ از- اق الدىندا تۇرعان ادامدار جەكە باسىنىڭ ءوسۋى مەن دامۋىنا كوڭىل اۋدارمايدى. سونىمەن قاتار، ولار بۇقارالىق قولدانۋشىلارعا ارنالعان مەديا- ونىمدەردى اۆتوماتتى تۇردە قولداناتىن تۇتىنۋشىلارعا اينالادى. بۇنىڭ قاتارىنا جەڭىل ءومىردى سۋرەتتەيتىن، جالعانعا تولى جانە جانسىز ونىمدەردى جاتقىزۋعا بولادى، - دەدى ت. سىزدىقوۆ.
ت. سىزدىقوۆتىڭ ويىنشا اسىرەسە، باتىستىق مۋلتفيلمدەر جانە كومپيۋتەرلىك ويىندار كوڭىلگە كىربىڭ ۇيالاتادى.
تەلەۆيزور جانە گادجەتتەردىڭ ەكراندارىنان تەك قانا ارامزالىق، ازعىندىق جانە مادەنيەتسىزدىك توگىلۋدە.
كەزدەسۋ سوڭىندا پرەزيدەنتتىككە كانديدات ت. سىزدىقوۆ ستۋدەنتتەر جانە وقىتۋشىلاردىڭ كەيبىر سۇراقتارىنا جاۋاپ بەرىپ ءوزىنىڭ الداعى سايلاۋالدى جۇمىس جوسپارىمەن ءبولىستى.
ودان ءارى كەزدەسۋ بارىسىندا وبلىستىق سايلاۋالدى شتابتىڭ جەتەكشىسى س. جارىلعاسىموۆ ءسوز الىپ، قىسقاشا تۇردە سايلاۋالدى ناۋقاننىڭ ناسيحات جۇمىستارى جانە ءىس- شارالار تۋرالى ايتىپ بەردى.