سايلاۋ-2015: ت. سىزدىقوۆ سايلاۋدى باقىلاۋ جونىندەگى رەسپۋبليكالىق قوعامدىق كوميسسيانىڭ وكىلدەرىمەن كەزدەستى
تاراپتار سايلاۋالدى ناۋقانىنىڭ بارىسى تۋرالى سۇحباتتاستى، سايلاۋ كوميسسيالارى جۇمىسىندا قوعامدىق باقىلاۋدىڭ ماڭىزدىلىعىنا توقتالدى.
تۇرعىن سىزدىقوۆ كوميسسيا وكىلدەرىنە شتاب جۇمىسىن حاباردار ەتتى، ناسيحات ماتەريالدارىمەن تانىستىردى، ايماقتارداعى شارالار جانە الداعى جۇمىس جوسپارى تۋرالى ايتىپ بەردى.
- قازاقستاندا سايلاۋ ناسيحاتىن وتكىزۋگە بارلىق مۇمكىندىك جاسالعان. سايلاۋ ناۋقانىن جۇرگىزۋ بارىسىندا ايماقتىق سايلاۋ كوميسسيالارى تاراپىنان بەرىلگەن كەڭەستەر مەن ءتيىمدى زاڭ تالاپتارى، ب ا ق- تىڭ ماسەلەلەردى تولىقتاي قامتۋى، ورتالىق سايلاۋ كوميسسياسى تاراپىنان دايىندالعان ادىستەمەلىك نۇسقاۋلىقتار، مۇنىڭ بارلىعى سايلاۋ ناۋقانىن قالىپتى جانە كەلەڭسىز وتكىزۋگە تولىق مۇمكىندىك بەرەدى، - دەپ اتاپ ءوتتى كانديدات.
ايقىن قوڭىروۆ باقىلاۋشىلاردىڭ نازارىنا ق ك ح پ كانديداتىنىڭ ۇگىت ناسيحات ماتەريالدارى ب ا ق- تا تولىق جارىق كورىپ وتىرعاندىعىن جەتكىزدى.
سايلاۋ ناۋقانى باستالعالى بەرى ب ا ق- پەن تىعىز قارىم- قاتىناستىڭ ناتيجەسىندە 40 قا جۋىق ينتەرنەت جەلىلەرىندە ءبىزدىڭ كانديداتىمىز جانە سايلاۋالدى شتاب تۋرالى 100 دەگەن ماتەريال جانە باسپا بۇقارالىق اقپارات قۇرالدارىندا 20 دان اسا ماقالا جارىق كوردى.
جالپى العاندا، سايلاۋ ناۋقانى باستالعالى رەسپۋبليكالىق شتابتىڭ ۇيىمداستىرۋىمەن تۇرعىن سىزدىقوۆتىڭ قازاقستاننىڭ 5 اۋماعىندا سايلاۋشىلارمەن 11 كەزدەسۋى ءوتتى.
ق ك ح پ كانديداتىنىڭ ناسيحات اۆتوكەرۋەنى اقمولا، سولتۇستىك- قازاقستان، قوستاناي، پاۆلودار جانە شىعىس- قازاقستاندا بولدى.
بۇگىنگى كۇندە سايلاۋالدى ناۋقانعا وبلىس ورتالىقتارىنىڭ 203 قالالىق جانە اۋداندىق كوميتەت، 2000 نان اسا باستاپقى پارتيالىق بىرلەستىك قامتىلعان. ايماقتىق شتابتار سايلاۋشىلارمەن كەزدەسۋ ۇيىمداستىرۋدا. ناسيحات جۇمىستارى پارتيانىڭ باستاپقى وكىلدىكتەرىندە قولعا الىنعان.
كەزدەسۋ سوڭىندا، قوس تاراپ كەزدەسۋ بارىسىندا اشىق جانە پايدالى سۇحبات بولعاندىعىن اتاپ ءوتتى.