سايلاۋ-2015: پرەزيدەنتتىككە كانديدات ت. سىزدىقوۆ وسكەمەندە «زاشيتا لوكوموتيۆ جوندەۋ د ە پ و- سى» جۇمىسشىلارىمەن كەزدەستى
كەزدەسۋ بارىسىندا كانديدات ت. سىزدىقوۆ ءوزىنىڭ سايلاۋ الدى تۇعىرناماسىنىڭ باستى باعىتتارىمەن تانىستىردى.
كەزدەسۋ كەزىندە كانديدات باتىستىق ستاندارتتار مەن تۇتىنۋشىلىق مادەنيەتتىڭ تەرىس ىقپالىنا توقتالىپ ءوتتى.
«بۇگىن بۋىندارى قاتىپ ۇلگەرمەگەن الەمنىڭ بارلىق جاستارى باتىستىق كيىمدەردى كيەدى، شەتەل اۋەندەرىن تىڭدايدى، گولليۆۋد فيلمدەرىن جانە سەريالداردى كورەدى. مۇنىڭ بارلىعى - جاي بوس ۋاقىت وتكىزۋ ەمەس، بۇل تۇتىنۋ مادەنيەتىنىڭ جالپىعا بىردەي تارالۋ ءۇردىسى.
ءداستۇرلى ادامي قۇندىلىقتاردى ناسيحاتتاۋدى جوققا شىعارىپ، جات ۇلگىلەر مەن ومىرلىك شارتتاردى كوزسىز كوشىرۋ اداميلىقتان اۋىتقۋعا، جەكەلەي ەنجارلىققا، جالپى ماتەرياليزم مەن ازاماتتىق نەمقۇرايلىلىققا اكەلەدى»، - دەپ اتاپ ءوتتى كەزدەسۋدە تۇرعىن سىزدىقوۆ.
ق ر پرەزيدەنتتىگىنە كانديداتتىڭ ويىنشا، جاپپاي ينتەرنەت ارقىلى تاراتىلىپ وتىرعان باتىستىق ءومىر مانىندە، قاتىگەزدىك، ەنجارلىق، نەمقۇرايلىلىق، ءىس- ارەكەتكە دەگەن جاۋاپسىزدىق بەلگىلەرى جاتىر.
مۇنداي جاپپاي شەكتەۋسىز ومىرلىك قاعيداتتار كەز كەلگەن ۇلتتىڭ قۇلدىراۋىنا الىپ كەلەدى.
ستاندارتتار مەن تۇتىنۋشىلىق مادەنيەتتىڭ تەرىس ىقپالى ءوز جەمىسىن بەرۋدە: باتىستا تۋۋ كورسەتكىشىنىڭ تومەندەپ، ءداستۇرلى نەكە ينستيتۋتتارىنىڭ كۇيرەۋى ناپسىلىك جانە رۋحاني تاربيەدەگى جۇگەنسىزدىك، جاۋاپسىزدىق پەن نەمقۇرايلىلىقتىڭ جەمىسى بولىپ تابىلادى. جاستار وزدەرىنە وتباسىلىق مىندەتتەردى العىلارى كەلمەيدى، ءوز ىستەرىنە جاۋاپكەرشىلىكپەن قارامايدى، ناقتى ازاماتتىق ۇستانىمدارى جوق.
«باتىس ءسان ۇلگىسىنىڭ ەڭ قاۋىپتى كورىنىستەرى - كومپيۋتەرلىك ويىندار، فيلم- بلوكباستەرلەر، ساپاسىز ادەبيەت ارقىلى كەڭ تارالعان زورلىق- زومبىلىق، قاتالدىق كۋلتتەرى.
شەكتەۋلى تۇتىنۋشىلىققا تاربيەلەيتىن جاپپاي زورلىق- زومبىلىق ناسيحاتى جاستاردى ءوز تورىنا ءتۇسىرىپ، اقىل- ەسىنەن، ادامگەرشىلىك قاسيتەتتەردەن ايىرۋدا. سول ارقىلى ادام ءومىرى قۇنسىزدانىپ بارادى.
ءاربىر ەكىنشى باتىستىق فيلم، بەينەكليپ نەمەسە اۋەننىڭ استارىندا قاتىگەزدىك، ەنجارلىق، نەمقۇرايلىلىق، ءىس- ارەكەتكە دەگەن جاۋاپسىزدىق بەلگىلەرى جاتىر»، - دەدى ت. سىزدىقوۆ.
سونىمەن قاتار، باتىس جاستارى وتباسىلىق قۇندىلىقتار، ءداستۇر، بىرىزدىلىك، ۇلكەندەردى قۇرمەتتەۋ، وتانسۇيگىشتىك سياقتى ادامگەرشىلىك قاسيەتتەرگە مۇلدەم جات تۇتىنۋشىلىق ستاندارتتارىمەن ءومىر ءسۇرىپ جاتىر.
مۇنداي قوعامدا ءومىر سۇرگەن ادامداردىڭ ومىرلىك قاعيداتتارى - جالقاۋلىق جانە ماتەريالدىق اشكوزدىك، تولىق مورالدىق جاۋاپسىزدىق.
باتىستىق وركەنيەت ەلدەرى اقىل- ەس پەن گەنەتيكالىق اۋرۋلار بويىنشا جانە عالامدىق سەمىزدىك رەيتينگىندە كوش باستاپ كەلەدى. وسىلايشا، ولار وزدەرىنىڭ تەگىن جوعالتۋدا. بۇعان دۇرىس ءومىر ءسۇرۋ سالتىن ۇستانباي، فاست- فۋد تاعامدارىن جانە باسقا دا ءتۇرلى گەندى- موديفيكاتسيالىق ونىمدەردى تۇتىنۋلارى سەبەپ.
«مىقتى مورالدىك نەگىزى، ءتۇپ تامىرى، ۇلتتىق ساناسى، قانداي دا ءبىر ءدىني ۇستانىمدارى مەن ۇلتتىق رۋحاني يدەيالارى بولماسا، ول ەلدىڭ بولاشاعى دا جوق.
مەملەكەتتىڭ باستى بايلىعى - ونىڭ ادامدارى. سالاۋاتتى، زايىرلى ۇلت قاعيداتتارى ادامدارعا نارەستە شاعىنان ءسىڭىرىلۋى كەرەك. بالالار تەك قانا پايدالى تاعامدارمەن قورەكتەنىپ، دەنە شىنىقتىرۋمەن اينالىسىپ، سەزىم، سىيلاستىق جانە قۇرمەت سياقتى وتباسىلىق قۇندىلىقتاردى تانىپ ءوسۋى كەرەك.
جاستار ءداستۇرلى قۇندىلىقتار مەن قوعامدىق يدەالداردى تانىپ وسكەندە عانا باتىستىق مادەنيەتتىڭ ىقپالىنان قۇتىلادى» ، - دەپ اياقتادى ءوز ءسوزىن تۇرعىن سىزدىقوۆ.
ودان ءارى ءسوزدى وبلىستىق سايلاۋالدى شتابتىڭ جەتەكشىسى ش. بايداۋلەتوۆ الدى. ول قاتىسۋشىلارعا سايلاۋالدى ناۋقان كەزىندەگى ۇگىت ناسيحات جانە ءىس شارالار تۋرالى ايتىپ بەردى.