سايلاۋ-2015: پرەزيدەنتتىككە كانديدات ت. سىزدىقوۆ «ەكىباستۇز- ەنەرگوسەنتر» ج ش س ۇجىمىنىڭ وكىلدەرىمەن كەزدەستى
كەزدەسۋ باسىندا تۇرعىن ىسقاق ۇلى سايلاۋالدى تۇعىرناماسىنىڭ نەگىزگى باعىتى باتىس مادەنيەتىنىڭ جانە باتىستىق جۇيە قۇندىلىقتارىنىڭ تەرىس ىقپالى تۋرالى ەكەندىگىنە توقتالدى.
«مەنىڭ سايلاۋعا قاتىسۋىما باستى سەبەپ، مەنى ۇنەمى مازالايتىن باتىستىق قۇندىلىقتار مەن باتىستىق كوزقاراستاردىڭ كەڭ تارالۋى»، - دەدى كانديدات.
ءوز سوزىندە ت. سىزدىقوۆ كوممۋنيستىك حالىق پارتياسى قىزمەتىنىڭ نەگىزىندە تۇتاس، ءبىرىزدى عىلىمي دۇنيەتانىمعا سۇيەنگەن ماركسيزم- لەنينيزم يدەيالارى تۋرالى ايتتى.
كوممۋنيستەردىڭ كانديداتىنىڭ سايلاۋالدى تۇعىرناماسىندا، «ماركسيزم عىلىمدى دامىتۋداعى جاڭاشىلدىقتار مەن جاڭا مالىمەتتەردى تاراتۋ نەگىزىندە ۇزدىكسىز دامىپ، جەتىلىپ وتىراتىن شىعارماشىلىق ءبىلىم بولىپ تابىلادى.
ديالەكتيكالىق ماتەرياليزم نەگىزىنە قۇرىلعان ماركسيزمنىڭ كۇشى مەن ومىرشەڭدىگىن تاريحي دامۋدىڭ ءاربىر قادامى دالەلدەپ وتىر.
«ماركسيزمنىڭ كۇشى مەن ومىرشەڭدىگى اركىمگە ايان، ونىڭ ماڭىزدى قاعيداتتارىن جوعالتۋ تاريحي دامۋ بارىسىندا كەرى اسەرىن بەرەدى.
ماركسيزم- لەنينيزم تەورياسىنىڭ ءالى كۇنگە دەيىن ءوزىنىڭ ماڭىزدىلىعىن جويماعاندىعىنا جانە بۇگىنگى كۇن تارتىبىندە قولدانۋعا بولاتىندىعىنا ت. سىزدىقوۆ سەنىمدى. 19 -عاسىرداعى ۇلى وقىمىستىلار مەن ويشىلدار نەگىزىن قالاعان بۇل ءىلىم، قازىرگى كۇنگە دەيىن بارلىق سۇراقتارعا جاۋاپ بەرىپ، ونىڭ باستى باعىتتارى سوتسياليستەر تاراپىنان دامىتىلۋدا.
شەتەلدىك قۇندىلىقتار جۇيەسى قوعامنىڭ تەحنولوگيالىق جانە يندۋستريالدىق دامۋىندا باستاپقى بەلگىلەر جۇيەسىن جوعالتىپ قاراما- قايشىلىقتار جاعدايىنا ەنۋدە.
باتىستىڭ جاھاندىق داۋىرىندەگى پوستيندۋستريالدىق دامۋ كەزەڭىندەگى ەكونوميكا مەن قارجى سالالارىن دەندەگەن ترانسۇلتتىق كورپوراتسيالاردىڭ ۇستەمدىگى قوعامنىڭ ىدىراۋىنا، بايلار جانە كەدەيلەر بولىپ بولىنۋىنە الىپ كەلدى.
شەكتەن شىققان دەموگرافيالىق ۇدەرىستەر، بوسقىنداردىڭ قالىڭ تولقىنى گۋمانيتارلىق اپاتقا ۇشىراتۋى مۇمكىن»، - دەلىنگەن كانديدات ت. سىزدىقوۆتىڭ سايلاۋالدى تۇعىرناماسىندا.
ءوزىنىڭ سايلاۋالدى تۇعىرناماسىندا ول الەمدە كەڭ تارالعان باتىستىق ستاندارتتاردىڭ تەرىس ىقپالىنا الاڭداۋشىلىق ءبىلدىردى.
جاھاندانۋ زامانىندا باتىستىق قۇندىلىقتار جۇيەسى ۆيرۋس سەكىلدى كەڭ تارالۋدا.
ادامگەرشىلىك قۇندىلىقتار جۇيەسىن ومىرگە دەگەن قاناعاتسىز كوزقاراس الماستىردى. بۇل وسكەلەڭ ۇرپاقتى تاربيەلەۋدە ءبىرقاتار كۇردەلى ماسەلەلەر تۋىنداتۋدا.
شەتەلدىك جاتتاندى تاقىرىپتار باق، كينوونىمدەر، ءتۇرلى تانىمال توك- شوۋلار جانە جۋرنالدار ارقىلى تارالۋدا. العاشقى بولىپ ءوزىنىڭ قۇندىلىعىن جانۇيا جانە نەكە ينستيتۋتتارى جوعالتۋدا. جانۇيالىق ءومىردىڭ مۇنداي كولەڭكەلى جاقتارى ولشەم جانە تەڭ قۇقىلىق رەتىندە بەرىلىپ، جات ۇلگىلەر مەن ومىرلىك شارتتاردى كوزسىز كوشىرۋ اداميلىقتان اۋىتقۋعا، جەكەلەي ەنجارلىققا، ازاماتتىق نەمقۇرايلىلىققا اكەلەدى.
مۇنداي قوعامدا ءومىر سۇرگەن ادامداردىڭ ومىرلىك قاعيداتتارى - جالقاۋلىق جانە ماتەريالدىق اشكوزدىك، تولىق ءمورالدىق جاۋاپسىزدىق.