سايلاۋ-2015: كانديدات ت. سىزدىقوۆ استانا قالاسىنداعى «تۇران» ۋنيۆەرسيتەتىندە سايلاۋشىلارمەن كەزدەستى
كەزدەسۋ بارىسىندا ق ر پرەزيدەنتتىگىنە كانديدات پارتيا جۇمىسى مەن ءوزىنىڭ سايلاۋالدى تۇعىرناماسىنىڭ نەگىزگى باعىتتارىمەن تانىستىردى.
«ءبىز ءوز جۇمىسىمىزدى ءادىل قوعام تۋرالى ماركسيستىك- لەنيندىك تۇسىنىكتەردى ساقتاي وتىرىپ قۇرۋعا جانە وسى ارقىلى ادىلەتسىز تۇستارىن جويۋعا تىرىسامىز»، - دەدى تۇرعىن سىزدىقوۆ.
«بىزدەر، كوممۋنيستەر ءۇشىن ماركسيزم - قورشاعان الەمنىڭ وزگەرۋىمەن بىرگە ۇنەمى دامىپ وتىراتىن، قوعامنىڭ دامۋىنداعى قوردالانعان جانە جاڭا دەرەكتەردى وي ەلەگىنەن وتكىزەتىن شىعارماشىلىق عىلىم. ديالەكتيكالىق ماتەرياليزم نەگىزىنە قۇرىلعان ماركسيزمنىڭ كۇشى مەن ومىرشەڭدىگىن تاريحي دامۋدىڭ ءاربىر قادامى دالەلدەپ وتىر. ق ك ح پ قىزمەتى عىلىمي سوتسياليزم يدەيالارى، ماركستىك- لەنيندىك وقۋ مەن پروگرەسسيۆتى قوعامدىق ويلار نەگىزىندە قالىپتاستىرىلعان»، - دەپ جالعاستىردى ءوز ويىن سايلاۋ الدى شتاب جەتەكشىسى ايقىن قوڭىروۆ.
ق ر پرەزيدەنتتىگىنە كانديدات پارتيانىڭ باتىس مادەنيەتىنىڭ تەرىس ىقپالى مەن ونىڭ ستاندارتتارىنا اسا كوڭىل بولەتىندىگىن حابارلادى.
«باتىس وركەنيەتى جالپى ادامزاتتىق قۇندىلىقتاردىڭ قۇلدىراۋىنان تۋىنداعان مادەني داعدىرىستى كەشىرۋدە. تەحنيكالىق جەتىستىك پەن اقپاراتتىق ريەۆوليۋتسيالاردىڭ ناتيجەسىندە باتىس ەلدەرىنىڭ تۇرعىندارى ۇلتتىق تۇتاستىعىن، نەگىزگى ءداستۇرلى قۇندىلىقتارىنا دەگەن سەنىمدەرىن جوعالتۋدا. ادامگەرشىلىك، قايىرىمدىلىق، سەنىم، ءبىر ىزدىلىكتى جوعالتۋدىڭ از- اق الدىندا تۇرعان ادامدار جەكە باسىنىڭ ءوسۋى مەن دامۋىنا كوڭىل اۋدارمايدى. سونىمەن قاتار، ولار بۇقارالىق تۇتىنۋشىلارعا ارنالعان مەديا- ونىمدەردى اۆتوماتتى تۇردە قولداناتىن مەحانيكالىق روبوتتارعا اينالادى»، - دەدى ت. سىزدىقوۆ.
كانديداتتىڭ پىكىرىنشە، «باتىس ادامىنىڭ بارلىق ارەكەتتەرى تەك ءوزىنىڭ جاعدايىن جاساۋعا عانا باعىتتالعان. ادام الەۋمەتتەن تىس، شىعارماشىلىق جانە ءتيىمدى ەڭبەككە ۇيىمداسا المايتىندىعى بۇرىننان بەلگىلى بولا تۇرا، قوعام اعىمىنان تىسقارى قالۋدا.
باتىستىق ادام كەز كەلگەن ادىسپەن اينالاسىنان ەرەكشەلەنىپ، وزىنە نازار اۋدارتىپ، بايلىققا كەنەلگىسى كەلەدى. بۇل سايىستا ناعىز ىمىراسىز جانە دۇنيەقوڭىز ادامدار جەڭىسكە جەتەدى.
قالعاندارى سابىرلىقتى ەسىرتكى زاتتارىنان، الكوگولدەن، ينتەرنەت- شىندىقتارىنان، ىزاعا تولى فيلمدەردەن، كومپيۋتەرلىك ويىنداردان، فاست- فۋدتان جانە گەندى- موديفيكاتسيالىق ونىمدەردەن ىزدەيدى. بۇل ونىمدەردىڭ كەز كەلگەنى ادام دەنساۋلىعىنا ەسىرتكىدەي اسەر ەتىپ، ادام اعزاسىنىڭ كۇيرەۋىنە اكەلەدى»، - دەدى كانديدات.
مۇنداي جاعدايلاردىڭ بارلىعى بۇرىن ادامزاتقا بەلگىسىز بولعان ءتۇرلى گەنەتيكالىق جانە پسيحيكالىق جاڭا اۋرۋلاردىڭ كوبەيۋىنە الىپ كەلدى.
«وسىلايشا، ءبىزدىڭ سايلاۋالدى تۇعىرنامامىز باتىستىق جالعان مادەني قۇندىلىقتاردان باس تارتۋعا نەگىزدەلگەن. قازاقستان حالقى ءبىزدىڭ ۇستانىمدارىمىزدى قولدايدى دەپ ۇمىتتەنەمىز!» - دەدى تۇرعىن سىزدىقوۆ.
سونداي- اق، تۇرعىن سىزدىقوۆتىڭ ايماقتارداعى سايلاۋالدى شتابتارى دا اتقارىلعان شارالار تۋرالى حابارلادى.
«قازاقستان كوممۋنيستىك حالىقتىق پارتياسىنان ۇسىنىلعان قازاقستان رەسپۋبليكاسى پرەزيدەنتتىگىنە كانديدات تۇرعىن سىزدىقوۆ ناسيحات پويەزى اياسىندا ءبىزدىڭ ايماقتا بولىپ، ءوزىنىڭ سايلاۋالدى تۇعىرناماسىنىڭ باعىتتارىمەن سايلاۋشىلاردى تانىستىردى. سونىڭ ىشىندە «بايان سۇلۋ» ا ق كونديتەرلىك فابريكاسى جانە «بولشيەۆيچكا» ا ق تىگىن فابريكاسى ۇجىمدارىنىڭ وكىلدەرىمەن كەزدەستى»، - دەپ حابارلايدى پارتيانىڭ قوستاناي وبلىستىق كوميتەتىنىڭ جەتەكشىسى ا. الىمبايەۆ.
«رۋحانيلىقتىڭ ءمانىن تۇسىرەتىن باتىس قۇندىلىقتارى ماقساتتى تۇردە استامشىل تۇتىنۋشىلىق سانا قالىپتاستىرۋدا. ادامنىڭ پسيحيكاسى مەن دەنساۋلعىنا تىكەلەي ءقاۋىپ توندىرەتىن اقپاراتتىق ىقپالدار بار»، - دەپ اتاپ ءوتتى ءوز سوزىندە ا. الىمبايەۆ.