سايلاۋ-2015: استانالىقتار سايلاۋ ۋچاسكەسىن س م س- سەرۆيس ارقىلى انىقتاي الادى

استانا. قازاقپارات - قالا تۇرعىندارىنا ىڭعايلى بولۋى ءۇشىن، ەلوردا اكىمدىگى مەن قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بايلانىس، اقپاراتتاندىرۋ جانە اقپارات كوميتەتى «سايلاۋ ۋچاسكەسى تۋرالى اقپارات ىزدەۋ» ينتەراكتيۆتى س م س- قىزمەتىن ىسكە قوستى. بۇل تۋرالى ەلوردانىڭ رەسمي سايتىندا حابارلادى.

بۇل قىزمەت ازاماتتارعا سايلاۋ ۋچاسكەسىنىڭ نومەرى، مەكەنجايى، تەلەفون جانە عيماراتتىڭ ورنالاسقان جەرى كورسەتىلگەن سايلاۋ ۋچاسكەسى تۋرالى اقپارات الۋعا مۇمكىندىك بەرەدى.

قىزمەتتى پايدالانۋ ءۇشىن 414 نومەرىنە [كود ءسوزى] بوس ورىن [ازاماتتىڭ ج س ن] جازىلعان س م س- حابارلاما جىبەرۋ كەرەك.

ماتىندىك حابارلاما مىنا نۇسقادا بولا الادى:

مەملەكەتتىك تىلدە اقپارات الۋ ءۇشىن «سايلاۋ ج س ن» نەمەسە « Saylau ج س ن» ءسوزىن تەرۋ كەرەك (مىسالى، سايلاۋ 123456789012)؛

ورىس تىلىندە اقپارات الۋ ءۇشىن «ۆىبورى ج س ن» نەمەسە « Viboryج س ن» تەرۋ كەرەك (مىسالى، ۆىبورى 123456789012).

حابارلامادا ايتىلعانداي، قىزمەتتى العان جاعدايدا پايدالانۋشى س م س- حابارلامانىڭ قۇنىن عانا تولەيدى، ول 7 تەڭگەنى قۇرايدى جانە ابونەنتتىڭ تەلەفون بىرلىكتەرىنىڭ ەسەبىنەن الىنادى.