سايلاۋ-2015: كانديدات ت. سىزدىقوۆ استانا جىلء ەلەكتر ورتالىعىنىڭ قىزمەتكەرلەرىمەن كەزدەستى
كەزدەسۋگە سونداي-اق سايلاۋالدى شتابتىڭ جەتەكشىسى ا. قوڭىروۆ قاتىستى.
تۇرعىن سىزدىقوۆ ءوز سوزىندە كەزدەسۋگە قاتىسۋشىلاردى ءوزىنىڭ سايلاۋالدى تۇعىرناماسىنىڭ نەگىزگى پرينتسيپتەرى تۋرالى حاباردار ەتتى.
اتاپ ايتقاندا، ول ⅩⅨ عاسىردا عىلىمي كوممۋنيزمنىڭ نەگىزىن قالاۋشىلار كارل ماركس پەن فريدريح ەنگەلس تاريحي تاجىريبەگە سۇيەنە وتىرىپ، قوعام دامۋىنىڭ وبەكتيۆتى زاڭدارىن شىعاردى، ادامزات قوعامىنىڭ جاڭا كوممۋنيستىك فورماتسياعا ءوتۋىنىڭ بولماي قويمايتىنىن تەوريالىق جاعىنان كورسەتىپ بەردى، دەپ اتاپ ءوتتى.
«ءبىز عىلىمي كوممۋنيزم يدەيالارىن ساقتاۋدا ۇلكەن قادام جاسادىق. دامۋدىڭ كوپ كەزەڭدىك جولىنان وتتىك. پارتيادا پارتيالىق بۇقارانى باقىلاۋ، ونى تورەشىلدەندىرۋگە قارسى تۇرۋ، دامۋ ۇردىستەرىن بولجامداۋ، وزگەرىپ وتىرعان جاعدايعا دەر كەزىندە دەن قويۋدىڭ تۇراقتى تەتىكتەرى جۇمىس جاسايدى. مۇنىڭ ءبارى ءومىردىڭ اسا قاجەتتى مۇقتاجدارىنان تۋىندايدى، بۇقارانىڭ جاندى شىعارماشىلىعىنا ارقا سۇيەيدى»، - دەلىنگەن كانديدات سىزدىقوۆتىڭ سايلاۋالدى تۇعىرناماسىندا.
سونداي- اق سايلاۋالدى تۇعىرنامادا باتىس مادەنيەتى مەن قۇندىلىقتارىنىڭ كەلەڭسىز ىقپالى ماسەلەلەرىنە ەرەكشە كوڭىل بولىنگەن.
«جاھاندىق كومپيۋتەرلەندىرۋ جانە اسىرەسە باتىستىق ەلەكتروندىق باق قوعامدىق سانانى اربايدى، ادامدار اراسىندا ىرىتكى سالۋ ءۇشىن ينديۆيدۋاليزمدى پايدالانادى، بۇل عالامشاردىڭ مادەني جىگىىڭ ىرگەلى ەروزياسىنا اكەپ سوقتىرادى. ەۋروپالىق ەلدەردەگى تۇتىنۋ قوعامىنىڭ قۇرىلىمدارى قالىپتاستىرعان باتىس مادەنيەتىنىڭ داعدارىسى، باتىس وركەنيەتىنىڭ امبەباپ قۇندىلىقتاردى جەكە وزدەرى ءوندىرۋى جانە الەۋمەتتىك ءومىر نورمالارى ءبىر-بىرىمەن تەرەڭ قايشىلىققا تۇسۋدە. باتىستىڭ كەمشىلىكتەرى اسىرەسە ناق مادەني سالادا كورىنىس تاۋىپ وتىرعانى ءسوزسىز. ويتكەنى تۇتىنۋ الەۋمەتتىك فەنومەن رەتىندە ماتەريالدىق مۇددەلەرىن قاناعاتتاندىرۋدى كوزدەيتىن قۇندىلىقتار مەن يدەيالارعا نەگىزدەلگەن»، - دەدى تۇرعىن سىزدىقوۆ.
كانديدات تۇرعىن سىزدىقوۆتىڭ سايلاۋالدى تۇعىرناماسىندا كينەەماتوگرافتىڭ باتىستىق ستاندارتتارىنىڭ كەلەڭسىز ىقپالى ماسەلەلەرى دە كوتەرىلگەن.
«كينەماتوگرافتىڭ باتىستىق ستاندارتتارى زورلىق-زومبىلىق پەن ازعىندىققا نەگىزدەلگەن. وندا جاعىمسىز كەيىپكەردى كۇشتى ەتىپ كورسەتۋ قالىپتى جاعداي. باتىس كينەماتوگرافى زورلىققا دەگەن قۇلشىنىستى ەستەتيكالىق كەڭىستىككە شىعارىپ وتىر. باتىس مادەنيەتىنىڭ بۇل «جەتىستىگى» باتىستىق وركەنيەتتىڭ باعىتىنا كەرى اسەر ەتۋدە. ادەبيەت سالاسىندا دا ءدال وسىنداي جاعداي قالىپتاسقان. ادەبيەت جەتەكشى رولدەن ايىرىلىپ، كينەماتوگرافتىڭ ىقپالىمەن زورلىق پەن ارەكەتسىزدىكتى ناسيحاتتاۋعا كوشكەن»، - دەلىنگەن كانديداتتىڭ سايلاۋالدى تۇعىرناماسىندا.
كەزدەسۋ سوڭىندا شتاب باسشىسى ا. قوڭىروۆ قاتىسۋشىلارعا جۇرگىزىلىپ جاتقان ۇگىت-ناسيحات جۇمىستارى جونىندە ايتىپ بەردى.
«ءبىزدىڭ شتابتا سەنىمدى وكىلدەر ايقىندالدى. ولار بارلىق اقپاراتتىق جۇمىستى جۇرگىزەتىن بولادى. ءبىزدىڭ ەگجەي- تەگجەيلى جۇمىس جوسپارىمىز بار. ءبىرقاتار كەزدەسۋلەر مەن ءىس-شارالار وتكىزۋ كوزدەلىپ وتىر.
شتابىمىز ب ا ق-پەن تىعىز قارىم-قاتىناستا جۇمىس جاسايدى، ءبىز بۇقارالىق اقپارات قۇرالدارىنا قاشان دا اشىقپىز. ءبىز كانديداتىمىزدىڭ قىزمەتى مەن ونىڭ سايلاۋالدى تۇعىرناماسى جونىندە بارلىق قاجەتتى اقپاراتتى ۇسىنۋعا دايىنبىز»، - دەدى ا. قوڭىروۆ.