سايلاۋ-2015: استانادا كوممۋنيستىك حالىق پارتياسى رەسپۋبليكالىق سايلاۋالدى شتابىنىڭ تانىستىرىلىمى ءوتتى
20:48, 26 - ناۋرىز 2015
استانا. قازاقپارات - بۇگىن استانادا قازاقستان كوممۋنيستىك حالىق پارتياسى اتىنان ۇمىتكەر تۇرعىن سىزدىقوۆقا قولداۋ بىلدىرەتىن رەسپۋبليكالىق سايلاۋالدى شتابتىڭ تانىستىرىلىمى ءوتتى، دەپ حابارلادى ق ك ح پ وك باسپا ءسوز قىزمەتىنەن.
بريفينگ بارىسىندا شتاب جەتەكشىسى ايقىن قوڭىروۆ قاتىسۋشىلاردى سايلاۋ كامپانياسىنىڭ جوسپارلارىمەن تانىستىرىپ، «ۇگىت پويىزىنىڭ» العاشقى ايالداماسى اقمولا وبلىسىنىڭ كوكشەتاۋ قالاسى بولاتىنىن مالىمدەدى.
ق ر پرەزيدەنتتىگىنە ۇمىتكەر تۇرعىن سىزدىقوۆ ءوز سوزىندە بۇل سايلاۋ ناۋقانىنىڭ ماڭىزى زور ەكەنىن اتاپ: «ءبىز سايلاۋ ۇدەرىسىنە ءبىرىنشى رەت قاتىسىپ وتىرعان جوقپىز، ءبىز ءۇشىن بۇل جاڭاشىلدىق ەمەس. وسى مۇمكىندىكتى حالىققا تاعى ءبىر مارتە ءوز باعدارلامامىزدى جەتكىزۋ، ماقسات- مىندەتتەرىمىزدى تانىستىرۋ جانە سايلاۋالدى تۇعىرنامانىڭ باسىم باعىتتارىن ءتۇسىندىرۋ ءۇشىن پايدالانامىز»، - دەدى.
تانىستىرىلىم سوڭىندا شاقىرىلعاندارعا ۇگىت ماتەريالدارىنىڭ نۇسقالارى تابىس ەتىلدى.
ايتا كەتەرلىك جايت، بۇگىن ەلىمىزدىڭ بارلىق ايماقتارىندا سايلاۋالدى شتابتار اشىلدى.