ۇلى بريتانيا مەن ا ق ش اسكەريلەرى «دالا قىرانى-2015» وقۋ- جاتتىعۋىندا قازبريگپەن جانە قازباتپەن تاجىريبە الماسپاق - فوتو
اتالمىش وقۋ- جاتتىعۋ «ىلە» وقىتۋ ورتالىعى بازاسىندا، اتاپ ايتقاندا، تاكتيكالىق وپەراتسيالار ورتالىعىندا، الدىڭعى شەپتەگى وپەراتسيالار بازاسىندا، قالالىق جاعدايلار مەن اۋىلدىق ەلدى مەكەندەرگە ارنالعان وقىتۋ ورىندارىندا وتەدى، دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتىنەن.
«دالا قىرانى-2015» وقۋ- جاتتىعۋى ەكى كەزەڭدە وتەدى. ءبىرىنشى كەزەڭ بارىسىندا ۇلى بريتانيا قارۋلى كۇشتەرىنىڭ وكىلدەرى جاياۋ اسكەر روتاسى دەڭگەيىندە تاكتيكالىق جاتتىعۋلار وتكىزەدى. ال ا ق ش قارۋلى كۇشتەرى بريگادا مەن باتالون شتابتارىن مامانداندىرۋ جانە وقۋ- جاتتىعۋدىڭ Ⅱكەزەڭىنە دايارلاۋ بويىنشا ءىس- شارالار جۇرگىزەدى.
بريتاندىق نۇسقاۋشىلار توبى 1 - كەزەڭ بارىسىندا قازباتتى اۋىلدىق جانە قالالىق ەلدى مەكەندى، قوعامدىق ءتارتىپتى كۇزەتۋ، جينالعان قالىڭ توپ پەن تارتىپسىزدىكتى قاداعالاۋ، بازا قاۋىپسىزدىگىن قامتاماسىز ەتۋ، ايداۋىلداۋ وپەراتسيالارى جانە ت. ب. روتالىق مىندەتتەرگە ۇيرەتەدى. 50- ارتسەنت نۇسقاۋشىلارىنىڭ اسكەري توبى (اريزونا ۇلتتىق ۇلانى) قازبات شتابىنىڭ اسكەري قىزمەتشىلەرىن شەشىم قابىلداۋ اسكەري پروتسەسىنە، روتانى باسقارۋ جانە تاكتيكالىق بايلانىس پۋنكتتەرىن جەتىلدىرۋگە، جارىلعىش زاتتارمەن جۇمىس ىستەۋگە، زارداپ شەككەندەردى اۋە جانە جەر ءۇستى جولدارىمەن ەۆاكۋاتسيالاۋعا ۇيرەتەدى.
«دالا قىرانى» وقۋ- جاتتىعۋى قازبريگتىڭ بەيبىتشىلىكتى قولداۋ وپەراتسيالارى بارىسىندا جەدەل ۇيلەسىمدىلىگىنە قول جەتكىزۋگە باعىتتالعانىن ايتا كەتكەن ءجون. اتالمىش وقۋ- جاتتىعۋ 2003 - جىلدان باستاپ وتكىزىلىپ كەلەدى. جىل سايىن وقۋ- جاتتىعۋعا 1500-دەن استام ادام جۇمىلدىرىلىپ، شەت مەملەكەتتەرىنىڭ اسكەري باقىلاۋشىلارى، ناتو ءتۇرلى شتابتارىنىڭ ساراپشىلارى، قازاقستان رەسپۋبليكاسىندا تىركەلگەن اسكەري- ديپلوماتيالىق كورپۋس وكىلدەرى شاقىرىلادى.