«جەڭىسكە جەتكەنىمە ءالى سەنە الماي تۇرمىن. ماعان تۋىستارىم مەن دوستارىمنىڭ قولداۋى وتە كوپ جاردەمدەستى»، - دەدى ول بايقاۋدان سوڭ جۋرناليستەرگە بەرگەن سۇحباتىندا.
ءاليا - ماڭعىستاۋداعى تۋريزم كوللەدجىنىڭ ستۋدەنتى، ماماندىعى - «قوناق ءۇي قىزمەتىن ۇيىمداستىرۋ جانە كورسەتۋ». بولاشاقتا ول قازاقشا ناقىشتاعى ءوز قوناق ءۇيىن اشۋدى جوسپارلاۋدا. سۇلۋلىق بايقاۋىنا قاتىسۋىن بويجەتكەن ءوزىنىڭ بالا كەزدەن بەرگى ارمانى ەكەنىن، الدا ءالى تالاي اسۋلاردى باعىندىرۋدى ويعا الىپ جۇرگەنىن ايتتى.
«مەن كوپ جىلداردان بەرى ۆولەيبول وينايمىن. ءبىراق مودەل بولۋدى ارماندادىم. «قازاقستان ارۋى» بايقاۋىنا قاتىسۋىم - بالا كەزگى ارمانىمنىڭ ورىندالعانى بولدى. قازاقستاننىڭ نامىسىن باسقا دا بايقاۋلاردا قورعاۋعا تىرىسامىن»، - دەدى ول.
بايقاۋ بارىسىندا قازىلار الدىندا ءاليا ءوزىنىڭ ەشقانداي كىتاپ وقىمايتىنىن مويىنداپ، ەندى ونى قولعا الۋعا ۋادە بەردى.
بەس ميلليون تەڭگە كولەمىندەگى جۇلدەسىمەن نە ىستەمەك ويىڭ بار، دەگەن ساۋالعا «قازاقستان ارۋى-2015» بىلاي دەپ جاۋاپ بەردى: «مەن ونى اناما بەرەمىن، ول ءاردايىم ماعان كومەكتەسىپ، قولداۋ بىلدىرەدى».
ايتا كەتەيىك، فينالعان شىققان بەس ارۋدىڭ ىشىنەن ءاليا كورەرمەندەردىڭ 1312 ونلاين- جانە س م س- داۋىسىن جيناپ، جەڭىمپاز اتاندى.