بۇل دەرەك قازاقستان رەسپۋبليكاسى ۇكىمەتىنىڭ جانە قازاقستان رەسپۋبليكاسى ۇلتتىق بانكىنىڭ ەكونوميكالىق ساياساتتىڭ 2015 -جىلعا ارنالعان نەگىزگى باعىتتارى تۋرالى مالىمدەمەسىندە كەلتىرىلگەن.
«وسى قاراجات شەڭبەرىندە 2015 -جىلى 500 ميلليارد تەڭگە مولشەرىندەگى ەكىنشى ترانش شاعىن، ورتا جانە ءىرى كاسىپكەرلىك سۋبەكتىلەرىنە قوسىمشا جەڭىلدىكتى كرەديت بەرۋگە جانە بانك سەكتورىن ساۋىقتىرۋعا باعىتتالادى. بۇدان باسقا، ارنايى ەكونوميكالىق ايماقتاردىڭ جانە «ەكسپو-2017» ينفراقۇرىلىمى وبەكتىلەرىنىڭ قۇرىلىسى قارجىلاندىرىلاتىن بولادى»، دەلىنگەن مالىمدەمەدە.