ق. قوجامجاروۆ: 2015 - جىلى ءتيىمسىز جۇمسالعان بيۋدجەت قارجىسىنىڭ سوماسى 3,7 ميلليارد تەڭگەنى قۇرادى
وندا اگەنتتىكتىڭ ءبىرىنشى جارتىجىلدىقتاعى جۇمىسى قورىتىندىلاندى.
بۇل تۋرالى اگەنتتىك تاراتقان باسپا ءسوز بايانىندا حابارلانعان.
ەربول ورىنبايەۆتىڭ اتاپ وتۋىنشە، مەملەكەت باسشىسى ءبىرىنشى ينستيتۋتسيونالدىق رەفورماعا ەرەكشە ءمان بەرەدى، سەبەبى ونىڭ ىسكە اسىرىلۋى باسقا مىندەتتەردىڭ ورىندالۋىنا تىكەلەي اسەر ەتەدى.
پرەزيدەنتتىڭ كومەكشىسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنە كاسىبي ءارى اۆتونومدى مەملەكەتتىك اپپاراتتى قالىپتاستىرۋدا نەگىزگى باعىتتاردى ايقىنداۋ بويىنشا جاۋاپتى مىندەت جۇكتەلگەنىن اتاپ ءوتتى.
القا ءماجىلىسى بارىسىندا اگەنتتىك ءتوراعاسى قايرات قوجامجاروۆ «100 قادام» ۇلت جوسپارىن جۇزەگە اسىرۋ بويىنشا ناقتى مىندەتتەردى اتادى. ونىڭ ويىنشا، وسى ماقساتتارعا قول جەتكىزۋ ءۇشىن وزگە مەملەكەتتىك ورگاندارمەن، قوعاممەن جانە ازاماتتارمەن تىعىز قارىم- قاتىناس ورناتۋ قاجەت.
نورما شىعارماشىلىق قىزمەت بولىگىندە ازىرلەنىپ جاتقان زاڭ جوبالارىنىڭ جوعارى ساپاسىن قامتاماسىز ەتۋگە دەن قويىلدى. قازىرگى ۋاقىتتا اگەنتتىك «مەملەكەتتىك قىزمەت تۋرالى» جاڭا زاڭ جوباسىن دايىنداۋ بويىنشا جۇمىستاردى اياقتاپ جاتىر، وندا مەريتوكراتيا پرينتسيپتەرىن ەنگىزۋدىڭ، ىنتالاندىرۋدى كۇشەيتۋ جانە مەملەكەتتىك ورگاندار قىزمەتكەرلەرىنىڭ كاسىبي دەڭگەيىن ارتتىرۋدىڭ نەگىزگى تەتىكتەرى كورسەتىلگەن.
ءتيىمدى جۇمىس ءۇشىن اقى جاڭا فاكتورلىق- بالدىق تولەم جۇيەسى بويىنشا تولەنەتىن بولادى.
بۇل ادىلدىك پرينتسيپىن قامتاماسىز ەتۋگە مۇمكىندىك بەرەدى، ويتكەنى ورىندالاتىن جۇمىستىڭ كۇردەلىلىگى، جاۋاپكەرشىلىك دەڭگەيى مەن قۇزىرەت دەڭگەيى ەسەپكە الىنادى.
وسىعان وراي مەملەكەتتىك ورعان قىزمەتكەرلەرىنىڭ فۋنكتسيونالدىق مىندەتتەرىنە ساپالى ساراپتاما جاساۋدى قامتاماسىز ەتۋ قاجەتتىلىگىنە نازار اۋدارىلدى.
الداعى ۋاقىتتا وتەتىن مەملەكەتتىك قىزمەتكەرلەردىڭ كەزەكتەن تىس اتتەستاتسياسى تۋرالى ايتقان قايرات قوجامجاروۆ، ونىڭ باستى ماقساتى كاسىبي جانە جەكە الەۋەتى جوعارى كادرلاردى انىقتاۋ، ىنتالاندىرۋ جانە ولاردى دامىتۋ ەكەنىن اتاپ ءوتتى.
اگەنتتىك ءتوراعاسى رەفورمانى جۇزەگە اسىرۋ اياسىندا پەرسونالدى باسقارۋ قىزمەتتەرىنىڭ ماڭىزدىلىعىن اتاپ ءوتتى. ونىڭ ايتۋىنشا، وزگەرىستەردى جۇزەگە اسىرۋ مىندەتى وسى قىزمەتكەرلەرگە جۇكتەلەدى.
سىبايلاس جەمقورلىققا قارسى قىزمەت جۇمىسىنىڭ باستى باسىمدىققا يە باعىتى ازاماتتاردى سىبايلاس جەمقورلىق ارەكەتتەرىنەن قورعاۋ، ال باستى كورسەتكىشى - حالىقتىڭ سەنىمى.
ونىڭ قىزمەتىندە سىبايلاس جەمقورلىققا قاتىستى قۇقىق بۇزۋشىلىقتاردىڭ الدىن الۋعا ەرەكشە كوڭىل بولىنەدى، بيۋدجەت قارجىسىن ءتيىمسىز پايدالانۋدى بولدىرماۋ ماسەلەسىنە ايرىقشا ءمان بەرىلەدى (ەسەپ بەرۋ كەزەڭىندە بۇل سوما 3,7 ميلليارد تەڭگەنى قۇراعان).
قايرات قوجامجاروۆ كاسىبي مەملەكەتتىك اپپاراتتى قۇرۋ مەن سىبايلاس جەمقورلىققا قارسى ستراتەگيانى جۇزەگە اسىرۋدىڭ جاڭا ادىستەرى حالىقارالىق تاجىريبەدەگى ەڭ ۇزدىك تاجىريبەلەر مەن مەملەكەتتىك قىزمەتتىڭ اپروباتسيادان وتكەن تەتىكتەرى نەگىزىندە ەنگىزىلۋى ءتيىس ەكەندىگىن اتاپ ءوتتى. وسى تۇستا شەتەلدىك جەتەكشى كونسالتينگتىك HR- كومپانيالار مەن مەملەكەتتىك باسقارۋ سالاسىنداعى بەدەلدى ەكسپەرتتەرمەن تىعىز ءىس- قيمىل جانە ىنتىماقتاستىق ماڭىزدى ءرول وينايدى.