پەتروپاۆلدا 2015 - جىلى 210 جاس وتباسى قونىس تويىن تويلايدى
بۇل تۋرالى تۇرعىندارمەن ەسەپتى كەزدەسۋى بارىسىندا پەتروپاۆل قالاسىنىڭ اكىمى مارات تاسماعامبەتوۆ حابارلادى.
«اكىمدىك ەرەكشە جاۋاپكەرشىلىكپەن قارايتىن ماسەلەنىڭ ءبىرى تۇرعىن ءۇي جاعدايىن شەشۋ. بۇگىندە تۇرعىن ءۇي كەزەگىندە 10116 ادام، جەر ۋچاسكەسىن الۋعا 5828 ادام تۇر. «قولجەتىمدى باسپانا - 2020» باعدارلاماسىن ىسكە اسىرۋ اياسىندا 2014 - جىلى پەتروپاۆلدىق 228 تۇرعىن قونىس تويىن تويلايدى»، - دەدى م. تاسماعامبەتوۆ.
تۇرعىن ءۇي قۇرىلىسى بىرنەشە باعىت بويىنشا جۇرگىزىلۋدە. 2015 - جىلعى ءبىرىنشى توقساندا «تۇرعىن ءۇي قۇرىلىس جيناق» جۇيەسى بويىنشا ەكى ۇيدەن 93 پاتەردىڭ 45 ى پايدالانۋعا بەرىلەدى. كەلەسى ەكى نىسانداعى 90 پاتەردىڭ 55 ى وسى جىلى اياقتالادى دەپ كۇتىلۋدە.
«وسى جۇيەگە «جاس وتباسى» باعدارلاماسى قوسىلعان. 2014 - جىلى 84 پاتەرلىك 4 ءۇي تاپسىرىلعان. 210 پاتەرلىك 4 نىسان 2015 - جىلدىڭ اياعىندا پايدالانۋعا ەنگىزىلەدى دەپ جوسپارلانۋدا. الەۋمەتتىك قورعالعان ساناتتاعى ازاماتتار مەن بيۋدجەت سالاسىنداعى ماماندارعا ارنالعان جالدامالى پاتەر قۇرىلىسى بويىنشا وتكەن جىلى 114 پاتەرلىك 2 ءۇي تاپسىرىلعان»، - دەپ قوستى اكىم.