وتكەن 2015-جىلى 2.7 ميلليون توننا «تەڭىز» كۇكىرتى ەكسپورتقا جىبەرىلدى

اتىراۋ. قازاقپارات - 2015-جىلى اتىراۋ وبلىسىنداعى «تەڭىز» جانە «كورولدىك» كەن ورىندارىن يگەرىپ وتىرعان «تەڭىز شيەۆرويل» ج ش س 2,7 ميلليون توننا كۇكىرتتى ەكسپورتقا جىبەردى.

«ت ش و 2015-جىلى بارلىعى 2,7 ميلليون توننا كۇكىرتتى ساتقان، بۇل اتالعان كەزەڭدە شىعارىلعان 2.4 ميلليون توننا كۇكىرتتىڭ 113 پايىزىن قۇراپ وتىر. كۇكىرتتىڭ تاعى 300 تونناسى كۇكىرت كارتالارىندا بولعان قالدىقتاردان شىعارىلعان. ت ش و جوعارى سۇرىپتاعى ءۇش ءتۇرلى كۇكىرتتى رەسەي، ۋكراينا جانە قىتايدى قوسا العاندا كوپتەگەن ەلدەرگە، سونداي-اق جەرورتا تەڭىزى باسسەينى مەن اتلانت تەڭىزىنىڭ جاعالاۋىنداعى ەلدەرگە جىبەرگەن. كۇكىرتتىڭ ءبىر بولىگى قازاقستاندا ساتىلدى»، - دەپ حابارلادى «تەڭىز شيەۆرويل» ج ش س- ءنىڭ باسپا ءسوز قىزمەتىنەن.