كوميتەتتىڭ قورىتىندى بايانداماسىندا ماماندار شەكتەگىشتەگى ءرول اقاۋلىعىنا تاپ بولعان دەلىنگەن.
«وتكەن جىلى جۇيە 23 رەت دابىل ەسكەرتۋىن بەرگەن، ونىڭ ىشىندە 4 ۇشۋ كەزىندە بولعان. كەزەكتى دابىلدى ەسكەرتۋدى العان ۇشقىشتار بورت كومپيۋتەرىن قايتادان ىسكە قوسۋعا بەل بايلايدى، الايدا قايتا جۇكتەۋ كەزىندە اۆتوپيلوت رەجيمى دە ءوشىپ قالعان. ەكيپاج مۇشەلەرىنىڭ بۇل ارەكەتىنەن كەيىن ۇشاق باقىلاۋدان شىققان» ، - دەلىنگەن باياندامادا. وسىلايشا قارا جاشىكتەردەگى مالىمەتتەر اۋە اپاتىنا اۋا رايىنىڭ قولايسىزدىعى سەبەپ بولدى دەگەن بولجامدى جوققا شىعارىپ وتىر، دەپ مالىمدەدى ك ق ۇ ك.
31 - قاڭتاردا ب ا ق وكىلدەرى ياۆا تەڭىزىنە قۇلاعان AirAsia ۇشاعىنىڭ ەكيپاجى اپاتقا دەيىن بىرەر ءسات قالعاندا اقاۋ سالدارىنان بورت كومپيۋتەرىن ءوشىرىپ تاستاۋى مۇمكىن دەگەندى جارىسا جازعان بولاتىن.
ەستەرىڭىزگە سالا كەتەيىك، 2014 -جىلدىڭ 28 - جەلتوقسانىندا يندونەزيانىڭ سۋرابايا قالاسىنان سينگاپۋرگە باعىت العان Airbus A320 اۋەگە كوتەرىلگەننەن سوڭ كوپ ۇزاماي ەش دابىل بەلگىسىن بەرمەستەن، رادار ەكراندارىنان جوعالىپ كەتكەن. ەكى كۇننەن سوڭ يندونەزيانىڭ اسكەري اۋە كۇشتەرى ياۆا تەڭىزىندە لاينەردىڭ قيراندىلارىن تاپقان. ايتا كەتەيىك، ۇشاق بورتىندا بولعان 162 ادامنىڭ ءبارى قازا تاپقان بولاتىن.