قازاقستان انشىلەرىنىڭ 2014 - جىلعى زور جەتىستىكتەرى
Tengrinews.kz رەداكسياسى قازاقستاندىقتاردىڭ 2014 - جىلعى ۇلكەن جەڭىستەرى مەن ۇزدىك ورىنداۋلارىن اتاپ ءوتۋدى ۇيعاردى.
قازاقستاننىڭ حالىقارالىق مۋزىكالىق كونكۋرستاردا جەڭىسكە جەتپەگەنىنە كوپ بولدى.
ۇلكەن جەڭىستى Turkvizyon-2014 كونكۋرسىندا ۇزدىك بولعان جانار دوعالوۆا اكەلدى. جانار دوعالوۆا ء"ىزىن كورەم" ءانىن ورىنداپ، 225 بالل جينادى.
قازاقستان شوۋ-بيزنەسىندەگى ەڭ تانىمال انشىلەردىڭ ءبىرى باتىرحان شۇكەنوۆ «روسسيا-1» تەلەارناسىندا «جيۆوي زۆۋك» دەپ اتالاتىن رەسەيلىك شوۋدىڭ كوكتەمگى ماۋسىمىن جەڭىپ الدى. انشىلەر بەلگىلى اندەردى ورىندايتىن «جيۆوي زۆۋك» شوۋى شىعا سالىسىمەن رەيتينگى جوعارى بولدى. ايتپاقشى، ءار جۇلدىزدىڭ ايتاتىن ءانىن دە، ولارعا باعا بەرەتىن دە مۋزىكالىق كاراوكە- اۆتومات بولدى.
وپەرا ءانشىسى سالتانات احمەتوۆا دا ەڭ ماڭىزدى جەتىستىككە جەتتى. ءانشى جاستاردىڭ «بولشايا وپەرا» دەپ اتالاتىن تەلەۆيزيالىق كونكۋرسىندا توپ جاردى.
قازاقستاندىق جاس ءانشى مارحابا سابيەۆا «سلاۆيانسكي بازار-2014» حالىقارالىق مۋزىكا بايقاۋىندا ءۇشىنشى ورىن الدى. جەڭىسكە جەتۋگە وعان 2 بالل جەتپەي قالدى، ءبىراق ونىڭ ايتقان ءانى وتە اسەرلى بولدى.
قازاقستاننان شىققان ءانشى رەسەيدەگى ەڭ اتاقتى «گولوس» شوۋىنىڭ ءۇشىنشى كەزەڭىنە تۇڭعىش رەت شىعا الدى. ديانا شاراپوۆا ءبىرىنشى كەزەڭنەن كەيىن لەونيد اگۋتيننىڭ كومانداسىنا قوسىلدى، كەيىن الەكساندر گرادسكويعا اۋىستى. ونىڭ ءار ونەر كورسەتكەن سايىن قازىلار القاسى جوعارى باعا بەرىپ وتىردى، سونىمەن قاتار ينتەرنەتتە تىڭداۋشىلارى كوبەيدى.
جىلدىڭ تاعى دا ءبىر ماڭىزدى وقيعاسى الماتىدان شىققان اناتوليي سويدىڭ «حوچۋ ك مەلادزە» شوۋىنداعى جەڭىسى بولدى. 25 جاستاعى قازاقستاندىق تانىمال پروديۋسەرمەن كەلىسىمشارتقا وتىرىپ، رەسەيگە كوشىپ كەتتى.
ال الىشەر كارىموۆ «جاڭا تولقىن» مۋزىكالىق فەستيۆالىندە جەڭىسكە جەتە الماسا دا، ادريانو چەلەنتانونىڭ Confessa ءانىن ورىنداۋى وتانداستارىنىڭ جۇرەگىندە قالىپ قويدى.
ءبىراق جۇلدەلى ورىندى وسى بايقاۋدىڭ بالالارعا ارنالعان كونكۋرسىندا 10 جاستاعى مۇحاممەدالي جۇگىنىسوۆ الىپ كەلدى. ول «بالالار جاڭا تولقىنى-2014» بايقاۋىندا ءۇشىنشى ورىن الدى. قازىلار القاسى بالانىڭ قايتالانباس ۆوكالىن عانا ەمەس، سونىمەن قاتار وزىندىك مانەرى مەن دارىندىلىعىن اتاپ ءوتتى.
2013 -جىلدىڭ سوڭىندا، جاڭا جىلدا ريددەر قالاسىنىڭ ءبيشىسى دميتريي شەبەت "تانسۋيۋت ۆسە!» ۋكراين ءبي شوۋىنىڭ ءۇشىنشى جۇلدەلى ورنىن قاناعان تۇتتى. ول جوعارى دەڭگەيدەگى حورەوگرافيا مەن برەيك-دەنستى كورسەتتى.