قازاقستان شوۋ-بيزنەسىندە 2014 - جىلى بولعان ۇيلەنۋ تويلارى - فوتو
قازاقستان جۇلدىزدارىنىڭ ۇيلەنۋ تويلارى تۇرلىشە ءوتتى. ءبىرى ەڭ جاقىن تۋىستارى مەن دوستارىنىڭ ورتاسىندا اتاپ ءوتتى، ەندى ءبىرى وتە كوپ قوناق شاقىرىپ، ۇلتتىق سالت-داستۇرمەن دۇركىرەتىپ توي جاسادى.
تالاي قىزدىڭ ارمانى بولعان، "101" توبىنىڭ ءانشىسى يۆان برەۋسوۆ ەندى بويداقتار قاتارىندا ەمەس. ول گەرلز- بەند Lila (بۇرىنعى "بيونيك" توبى) ءانشىسى مەرۋەرت اسانوۆاعا ۇيلەندى. ولاردىڭ ۇيلەنۋ تويى الماتى قالاسىندا، تۋىستارى مەن دوستارىنىڭ، ارىپتەستەرىنىڭ ورتاسىندا ءوتتى. بۇل جۇپ جاقىن ارادا اتا-انا اتانادى.
2014 - جىلى تانىمال اكتەر سانجار ماديەۆ ۇيلەندى. 28 جاستاعى ءارتىس ومىرلىك جارى رەتىندە ەكى جىل كولەمىندە كەزدەسىپ جۇرگەن ءمولدىر ەسىمدى قىزدى تاڭدادى. ايتا كەتەيىك، ول فارحات ءشارىپوۆتىڭ "قىزعىلت قويان تۋرالى ەرتەگى" فيلمىندەگى قارلىعاش مۇحامەدجانوۆامەن جانە ءانۋار نۇرپەيىسوۆپەن بىرگە ويناعان رولىنەن كەيىن تانىلا باستادى. جاقىندا امەريكالىق اعايىندى ۆاينشتەيندەردىڭ "ماركو پولو" جوباسىنا قاتىستى.
"جاۋجۇرەك مىڭ بالا" فيلمى ارقىلى تانىلعان ءاليا تەلەباريسوۆانىڭ ۇيلەنۋ تويى جازدىڭ باسىندا بولدى. ونىڭ جولداسى ءاليانىڭ ارتىستىك مانسابىنا قارسىلىق بىلدىرمەگەن، كەرىسىنشە وعان بارلىق جاعدايدا قولداۋ كورسەتەدى. ءبىراق ازاماتتىڭ شىعارماشىلىققا قاتىسى جوق.
ءبىلىم كۇنى، ياعني 1 - قىركۇيەكتە سيرك ءارتىسى، شوۋمەن، تەلەجۇرگىزۋشى مۇرات مۇتىرعانوۆ ۇيلەندى. ونىڭ جارى الەسيا تيموشەنكو بولدى. ۇيلەنۋ تويى اشىق الاڭدا ءوتتى. تويدىڭ اتموسفەراسى سيركتەگىدەي بولدى.
"باۋىرجان مومىش ۇلى" فيلمىندە باستى ءرولدى سومداعان 28 جاستاعى ەركەبۇلان دايىروۆ تا بيىل ۇيلەندى. ول - اۋەزوۆ اتىنداعى دراما تەاترىنىڭ ءارتىسى، ال قالىڭدىعى - لەيلا تىلەۋوۆا جۇرگەنوۆ اتىنداعى ونەر اكادەمياسىنىڭ تۇلەگى. لەيلا قازاقستاندىق بىرنەشە تەلەحيكاياعا ءتۇسىپ ۇلگەردى، سونداي-اق اۋەزوۆ تەاترىنىڭ ساحناسىندا وينايدى.
بيىل ءانشى ءارى اكتەر ارىستان مىرزاگەرەيەۆ پەن "قازاقستان ارۋى" جانە "قازاق ارۋى" ءسان بايقاۋىنا قاتىسقان ايگەرىم ۇزەمبايەۆا وتباسىن قۇردى. مىرزاگەرەيەۆ SuperStarKZ شوۋىمەن تانىلعان بولاتىن، كەيىن "جۇلقىنىس" سپورت كارتيناسىندا اسەل سادۋاقاسوۆامەن جانە گوشا كۋسەنكومەن بىرگە وينادى.
2014 - جىلدىڭ باسىندا ءمادينا ءسادۋاقاسوۆا تۇرمىس قۇردى. رەسمي نەكەلەسۋ ءراسىمى 2 - اقپاندا الماتى قالاسىنىڭ ورتالىق ا ح ا ج- ىندا ءوتتى. ءمادينا بولاشاق جولداسى ولجاس سماعۇلوۆپەن ءتورت جىل بۇرىن "تاڭ قالماڭىز" باعدارلاماسىن ءتۇسىرۋ كەزىندە تانىسقان. تويعا قازاقستاندىق شوۋ-بيزنەستىڭ بارلىق وكىلى قاتىستى، ال 2014 - جىلدىڭ جازىندا ۇل بالا دۇنيەگە كەلدى.
جاقىندا "سپارتا" ك ۆ ن كومانداسىنىڭ كاپيتانى دانيار ءجۇمادىلوۆ ۇيلەندى. ايتا كەتەيىك، "سپارتا" قۇراماسىن كورەرمەندەر جاڭا ماۋسىمدا ك ۆ ن-نىڭ جوعارى ليگاسىنان كورە الادى.
ەرەكشە ۇيلەنۋ تويى دەپ رەجيسسەر قاناعات مۇستافيننىڭ تويىن اتاۋعا بولادى. ول قالىڭدىعى گۇلىم دوسانوۆامەن گوا كۋرورتىنا بارىپ ءۇندى ستيلىندە ۇيلەندى. ايتا كەتەيىك، قاناعات قازىر "16 قىز" رومانتيكالىق كومەدياسىمەن شۇعىلدانىپ ءجۇر.
سونىمەن قاتار، 2014 - جىلى قازاقستاندىق شوۋ- بيزنەستىڭ ءبىرقاتار وكىلى اتا-انا اتاندى. ءمادينا ءسادۋاقاسوۆا، "كەش-you" توبىنىڭ ەكس-ءسوليسى انەل ءارىنوۆا، اكتريسا اسەل ساعاتوۆا مەن ديليارا بايجانبايەۆا، مودەل جۇلدىز ساپارعاليەۆا مەن Amouage توبىنىڭ ءسوليسى ەليا قۇسپانوۆالار تۇڭعىش رەت انا بولدى.